पुणे : पुणे जिल्ह्यातील कोरोनाग्रस्त रुग्णांची संख्या दिवसेंदिवस वाढून लागली आहे. मागील पंचावन्न दिवसांपुर्वी सापडलेल्या दोन रुग्णांची संख्या आज (ता.३ मे) सकाळी नऊ वाजेपर्यंत एक हजार ९८० झाली आहे. परिणामी जिल्ह्यातील रुग्णांच्या संख्येने आता दोन हजाराचा पल्ला गाठल्यात जमा आहे. २८ एप्रिलला एकाच दिवसात सर्वाधिक तब्बल १४३ रुग्ण आढळून आले आहेत.

ताज्या बातम्यांसाठी डाऊनलोड करा ई-सकाळचे ऍप

शनिवारी रात्री (ता. २ मे) नऊ वाजेपर्यंत नोंदवल्या गेलेल्या एकूण रुग्णांपैकी पुणे शहरातील सर्वांधिक १ हजार  ७०४ जण आहेत. उर्वरीत रुग्णांमध्ये पिंपरी-चिंचवड शहरातील ११५, तीनही कटक मंडळे (कॅन्टोन्मेंट बोर्ड) मिळून ४६, जिल्ह्याच्या ्ग्रामीण भागातील -४० आणि जिल्ह्यातील नगरपालिका क्षेत्रातील सात जणांचा समावेश आहे.

लॉकडाऊनमुळे नुकसान झालेल्या बांधकाम व्यवसायिकांसाठी गडकरींचा सल्ला; म्हणाले...

काल रात्रीपर्यंत जिल्ह्यातील एकूण १६ हजार २५४ संशयित रुग्णांना शहरातील विविध रुग्णालयांमध्ये उपचारासाठी दाखल (अॅडमिट) करण्यात आले होते. या सर्वांची कोरोनाची चाचणी करण्यात आली. यापैकी  १५ हजार ८४५ जणांचे चाचणी अहवाल प्राप्त झाले आहेत. आणखी ४०९ जणांचे चाचणी तपासणी अहवाल येणे बाकी आहेत. प्राप्त अहवालापैकी १३ हजार ९३३ जणांचे अहवाल निगेटिव्ह म्हणजे कोरोना संसर्ग नाही, असे आले आहेत.

जम्मू काश्मीरमध्ये पुन्हा गोळीबार; दोन अधिकाऱ्यांसह तीन जवान शहीद 

दरम्यान, आतापर्यंत उपचारासाठी दाखल करण्यात आलेल्यांपैकी १४ हजार ४४३ जणांना उपचारानंतर घरी सोडण्यात आले आहे. सध्या १ हजार ७०८ जण इन्स्टिट्यूशनल क्वरांटाइन (संस्थात्मक विलगीकरण) कक्षात आहेत.  तसेच ३७८ रुग्ण कोरोनामुक्त  झाले आहेत. याशिवाय १०३ जणांचा मृत्यू झाला आहे. पुणे शहरातील पहिला कोरोना रुग्ण ९ मार्चला आढळून आला होता. त्यानंतर ३० मार्चला पुणे शहरातील पहिला कोरोना रुग्ण बळी गेला होता. त्यानंतर एप्रिल महिन्यात तब्बल ९४ तर, मे महिन्यातील दोनच दिवसात आठ बळी गेले आहेत. 

बारा तासात ६८ नवे रुग्ण
दरम्यान, शनिवारी रात्री नऊ वाजल्यापासून आज (ता. ३ मे) सकाळी नऊ वाजेपर्यंतच्या या बारा तासात  ६८ नवे रुग्ण वाढले आहेत.