पिंपरी : कोरोना संसर्ग झालेल्या शहरातील रुग्णांमध्ये तिघांची भर पडली आहे. त्यामुळे बाधितांची संख्या 29 झाली आहे. दरम्यान, दापोडी आणि कासारवाडी भाग शनिवार (ता.११) रात्री अकरापासून सील करण्यात आला. 

- बातम्या ऐकण्यासाठी डाऊनलोड करा ई-सकाळचे ऍप

शहरातील पाॅझिटीव्ह व्यक्तींची संख्या गेल्या पाच-सहा दिवसांपासून झपाट्याने वाढत आहे. गेल्या आठ दिवसांत 14 जण वाढले असून पाॅझिटिव्ह रुग्णांची संख्या 29 झाली आहे. त्यातील 12 जण बरे होऊन घरी पोचले आहेत. उर्वरित 14 जणांवर वायसीएममध्ये, तर काल आढळलेल्या तिघांवर पुण्यातील रुग्णालयात उपचार सुरू आहेत. त्यात एका परिचारिकेचा समावेश आहे. त्या पुण्यातील रुग्णालयात कार्यरत असताना त्रास होऊ लागला. त्यांचा अहवाल शनिवारी पाॅझिटिव्ह आला. त्यांच्या संपर्कात आलेल्या व्यक्तींची तपासणी केली जात आहे. 

- रेल्वेचा मोठा निर्णय ! प्रवाशांना मिळणार 100 टक्‍के परतावा

30 दिवसात 29

कोरोना संसर्ग झालेले पहिले तीन रुग्ण 11 मार्चला वायसीएममध्ये दाखल झाले होते. त्यांचे एनआयव्हीकडील अहवाल 12 मार्चला पाॅझिटीव्ह आले होते. या घटनेला शनिवारी 30 दिवस पूर्ण झालेत आणि पाॅझिटिव्ह रुग्णांची संख्या 29 झाली आहे. या पार्श्वभूमीवर प्रशासनाने कठोर पावले उचलली आहेत. चिखली घरकुल, खराळवाडी, थेरगाव, पडवळनगर, दिघी, भोसरी पाठोपाठ दापोडी आणि कासारवाडी भागही शनिवार रात्रीपासून सील केले. 

- जपान संतापला; कंपन्यांना चीनमधून बाहेर पडण्याचे आदेश, भारताला संधी

दापोडी, कासारवाडीतील हा भाग करणार सील

दापोडीतील माता शितळादेवी चौक, विनियार्ड चर्च, सुखवानी ग्लोरी, पब्लिक फूड शेल्टर, धुम स्टार मेन्स पार्लर, पिंपळे गुरव रस्ता. कासारवाडीतील सिद्धार्थ मोटार, दत्त मंदिर, पिंपळे भारत गॅस, लष्करी अभियांत्रिकी महाविद्यालय (सीएमई) सीमा भिंती लगतचा भाग.

- लॉकडाऊन वाढला; मुख्यमंत्री उद्धव ठाकरेंची घोषणा