पुणे : विभागातील कोरोना बाधित रुग्णांची संख्या 896 झाली असून,135 कोरोना बाधित रुग्ण बरे होऊन घरी गेले आहेत. विभागात कोरोना बाधित 61 रुग्णांचा मृत्यू झाला आहे. तसेच, 12 रुग्ण गंभीर असल्याची माहिती विभागीय आयुक्त डॉ. दीपक म्हैसेकर यांनी दिली.

- बातम्या ऐकण्यासाठी डाऊनलोड करा ई-सकाळचे ऍप

पुणे जिल्ह्यात 813 बाधित रुग्ण असून, 55 रुग्णांचा मृत्यू झाला आहे. सातारा जिल्ह्यात 16 रुग्ण असून, 2 रुग्णांचा मृत्यू झाला आहे. सोलापूर जिल्ह्यात 30 रुग्ण असून, 3 रुग्णांचा, तर सांगली जिल्ह्यात 27 बाधित रुग्ण असून, एका रुग्णाचा मृत्यू झाला आहे. कोल्हापूर जिल्ह्यात 10 बाधित रुग्ण आहेत, असे डॉ. म्हैसेकर यांनी सांगितले.

- बारामतीत फळविक्रेत्यांची मुजोरी; लॉकडाऊनचा नियम मोडत पोलिसांना धक्काबुक्की!

1 डॉक्टर आणि 2 नर्सना कोरोनाची लागण

उरुळी कांचन येथील कोरोना बाधित महिलेवर लोणी काळभोर येथील खासगी रुग्णालयात उपचार चालू असताना, संपर्कात आलेल्या ५१ पैकी एक डॉक्टर व दोन नर्स असे तीन जण कोरोना बाधित असल्याचे आढळून आले आहे.

५१ पैकी ४८ जणांचे कोरोना चाचणी अहवाल बुधवारी (ता. २२) सायंकाळपर्यंत रुग्णालयाला मिळाले आहेत. ४८ पैकी पंचेचाळीस जण निगेटिव्ह आढळून आले आहेत. तीन जणांचे अहवाल प्रलंबित आहेत.

- कधी सुधारणार पुणेकर?; विश्रांतवाडीत तब्बल एवढी वाहने पोलिसांनी केली जप्त

मास्क न वापरणाऱ्यांना 500 रुपये दंड

सार्वजनिक ठिकाणी वावरताना अनेक नागरिक मास्कचा वापर करत नसल्याचे आढळून आले आहे. अशा व्यक्तींवर कारवाई करीत 500 रुपये दंड आकारण्यात येणार आहे, असा आदेश महापालिका आयुक्त श्रावण हर्डीकर यांनी बुधवारी काढला.

गेल्या काही दिवसांपासून कोरोनाच्या रुग्ण संख्येत झपाट्याने वाढ होत आहे. आजपर्यंत शहरातील 65 जणांना लागण झाली आहे. तर, दोघांचा मृत्यू झाला आहे. आठ एप्रिलच्या आदेशानुसार नागरिकांना मास्क वापरणे बंधनकारक आहे.

- Corona Virus : विद्यार्थ्यांची आरोग्य तपासणी करून त्यांना गावी परत जाऊ द्या

दरम्यान, तरीही रुग्णालये, बाजारपेठ, शासकीय कार्यालयांसह इतर सर्व परिसरात वावरताना शहरातील अनेक नागरिक मास्क परिधान करीत नाहीत. त्यामुळे दंड आकारणीचा अधिकार आरोग्य निरीक्षक, मुख्य आरोग्य निरीक्षक, सहाय्यक आरोग्य अधिकारी यांना देण्यात आला आहे.