पुणे - पुण्यात कोरोनाच्या नव्या रुग्णांपेक्षा या रोगाच्या बळींचा आकडा चिंतेचा होऊ लागला आहे. रविवारी (ता. २८) दिवसभरात २२ जणांचा मृत्यू झाला असून, आणखी सव्वातीनशे रुग्णांची प्रकृती गंभीर आहे. ५४ रुग्ण ‘व्हेंटिलेटर’वर आहेत.
- पुण्याच्या बातम्या वाचण्यासाठी येथे ► क्लिक करा
दरम्यान, दिवसभरात ५२३ नवे रुग्ण सापडले असून ३३८ रुग्ण कोरोनामुक्त झाले आहेत. सध्या सहा हजारांहून अधिक जण रुग्णालयात दाखल आहेत. दुसरीकडे मृतांची संख्या झपाट्याने वाढत असून, आतापर्यंत ३६३ रुग्णांचा मृत्यू झाला.
रविवारी मृत्यू झालेल्यांमध्ये १२ महिला आणि १० पुरुष आहेत. मृतांमध्ये ३१ वर्षांच्या महिलेसह अन्य व्यक्ती ४० आणि ५० वर्षांच्या पुढच्या असून, त्यांना अन्यही आजार होते. हडपसर, कात्रज, कर्वेनगर, पांडवनगर, सिंहगड रस्ता, कोंढवा, घोरपडी गाव, पद्मावती, गुरुवार पेठ, लोहगाव, अरण्येश्वर, शिवाजीनगर, बोपोडी, नाना पेठ, रामटेकडी, येरवडा, सिंहगड रस्ता, दापोडी, लष्कर परिसर येथील रुग्णांचा मृत्यू झाला.
पुण्यात आतापर्यंत एक लाख ८ हजार नागरिकांची तपासणी झाली असून, त्यापैकी १६ हजार १२५ जणांना कोरोना झाला. त्यातील ९ हजार ४४७ रुग्ण बरे झाले असून, ६१२ जणांचा मृत्यू झाला. सध्या ६ हजार ६५ रुग्णांवर उपचार सुरू आहेत.
पॉझिटिव्ह आढळल्याने लग्नात पळापळ
माळशिरस - लग्नसमारंभ उत्साही वातावरणात सुरू असताना अचानक वऱ्हाडी मंडळींची पळापळ सुरू झाली. कोरोना पॉझिटिव्ह आढळलेला रुग्ण लग्नासाठी उपस्थित असल्याची माहिती मिळताच घबराट पसरली. राजुरी (ता. पुरंदर) येथे आज एक लग्नसमारंभ होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.