मंचर : कोरोना विषाणू संसर्गाची तपासणी व छातीचे एक्स-रे काढण्यासाठी मंचर येथील डायग्नोस्टीक सेंटरमध्ये गेलेल्या ४१ वर्षांच्या महिलेचा टेक्निशियनने विनयभंग केल्याची  घटना घडली आहे. या प्रकरणी पीडित महिलेने मंचर पोलिस ठाण्यात गुरुवारी (ता. ८) रोजी टेक्निशियन नागोराव मारुती काळे (रा. डोबीमळा-मंचर, ता. आंबेगाव. मुळगाव परभणी) याच्या विरोधात फिर्याद दाखल केली आहे. त्यानंतर पोलिसांनी ताबोडतोब आरोपी काळेला अटक करण्यात आली आहे.

पेपर देता आला नाही? टेन्शन घेऊ नका; पुणे विद्यापीठ घेणार 'स्पेशल परीक्षा'!

पुणे-नाशिक रस्त्यावर अवसरी फाटा (ता. आंबेगाव) येथे राहत असलेल्या महिलेचे गेल्या काही दिवसांपासून अंग दुखत होते. तिला सतत तापही येत होता. मंचर येथील एका खासगी रुग्णालयात सदर महिला उपचार घेत होती. डॉक्टरांनी महिलेला कोरोनाची तपासणी व छातीचा एक्स-रे काढण्यासाठी डायग्नोस्टिक सेंटर येथे जाण्याविषयी सांगितले.

- पुण्याच्या बातम्या वाचण्यासाठी येथे ► क्लिक करा

संबंधित महिला तिच्या पतीबरोबर मंगळवार (ता. २२ सप्टेंबर) रोजी सेंटरमध्ये गेली. महिलेच्या पतीला बाहेर थांबवून महिलेला एक्स-रे काढण्यासाठी टेक्निशियनने आत खोलीत बोलविले. तेथे लज्जा उत्पन्न होईल असे वर्तन आरोपीने केले. त्यावेळी संबंधित महिलेने त्याला ढकलून खोलीच्या बाहेर आली. घाबरली असल्याने तिने हा प्रकार लगेच कोणाला सांगितला नाही. मात्र नंतर तिने सर्व प्रकार तिच्या पतीला सांगितला.

वृत्तपत्र विक्रेत्याची मुलगी सपना झाली साखर कारखान्यात कामगार कल्याण अधिकारी

दरम्यान, शनिवार (ता. २६ सप्टेंबर) रोजी डायग्नोस्टिक सेंटर येथे जाऊन घडलेल्या प्रकार सदर महिलेने व तिच्या पतीने डॉक्टरांना सांगितला. डॉक्टरांनी टेक्निशियनला बोलून घेवून. महिलेने केलेल्या तक्रारी विषयी जाब विचारला. पण आरोपी काळेने “मी काही केलेले नाही. तुम्हाला काय करायचे ते करा.” असे सांगितले. त्यानंतर काळे निघून गेला. याप्रकरणी मंचर पोलिस ठाण्याचे पोलिस निरीक्षक कृष्णदेव खराडे यांच्या मार्गदर्शनाखाली पोलिस नाईक राजेंद्र अहिरे तपास करत आहेत.

(संपादन : सागर दिलीपराव शेलार)