पुणे : पुणेकरांना चांगल्या सेवा-सुविधा पुरविण्यासाठी काढलेल्या सुमारे दहा हजार कोटी रुपयांच्या वादग्रस्त निविदांचे प्रकरण चांगले तापले असून, या मुद्यावरून आक्रमक झालेल्या महापालिकेतील विरोधीपक्षांनी सत्ताधारी भाजपला सर्वसाधारण सभेत घेरले. या निविदांची चौकशी करण्याची मागणी करीत विरोधकांनी महापौरांच्या आसनसमोर ठिय्या मांडला. त्यावरून सभागृहात गोंधळ उडाला. 

फिल्मीस्टाईलने पाठलाग करत गावठी कट्टा बाळगणाऱ्यास केले अटक

समान पाणीपुरवठा योजने, 'एचसीएमटीआर', 'जायका', कात्रज-कोंढवा रस्त्यासह जलपर्णी आदी कामांच्या फुगविलेल्या निविदा रद्द झाल्याने पुणेकरांचे तब्बल साडेचार हजार कोटी रुपये वाचले आहेत. त्याकडे लक्ष वेधत, या प्रकरणांची चौकशी करण्याच्या हालचाली राज्य सरकारने सुरू केल्याचे वृत्त 'सकाळ'ने गेल्या आठवड्यात प्रसिध्द केले.

पिंपरीत भाजपला दणका; महामंडळांवरील तीनही नियुक्‍त्या रद्द

त्यानंतर फेरनिविदा आणि काही निविदा रद्द झाल्याने पुणेकरांचे 4 हजार 600 कोटी रुपये वाचल्याच्या 'सकाळ'च्या वृत्ताची 'सोशल मीडिया'वर प्रचंड चर्चा झाली. त्यातच पक्षाचे पदाधिकारी-कार्यकर्त्यांच्या मेळाव्यात राष्ट्रवादी कॉंग्रसेचे नेते अजित पवार यांनी गैरव्यवहारांचे 'सकाळ'मधील वृत्त वाचून दाखवत, या प्रकरणात सरकार गांभीर्याने लक्ष घालणार असल्याचे जाहीर केले होते.

अन् भर रस्त्यात मर्सिडीज कार आगीत जळून खाक 

त्यापाठोपाठ राष्ट्रवादीसह कॉंग्रेस आणि शिवसेनेने हा मुद्दा उचलून धरत भाजपची कोंडी करण्यास सुरवात केली आहे. त्याचाच भाग म्हणून महापालिकेच्या शुक्रवारच्या सर्वसाधारण सभेत या तिन्ही पक्षाच्या सदस्यांनी एकत्र येत आंदोलन केले. 

रशियन वैमानिकांनी पुण्यात उडविले सुखोई 30