आळंदी (पुणे) : कोरोना काळात उपचारासाठी अथवा इतर कारणांसाठी आळंदी येथील नगरपालिका किंवा ग्रामीण रुग्णालयाच्या कार्यालयात दूरध्वनी केल्यानंतर दूरध्वनी बंद असल्याची टेप ऐकवली जात आहे. नगरपालिकेने कोरोनाच्या पार्श्वभूमीवर छापलेल्या प्रसिद्धपत्रकात दिलेला दूरध्वनीही बंद आहे. त्यामुळे "आम्ही संपर्क कसा करायचा,' असा सवाल आळंदीकर करत आहेत.
कोरोना काळात आपत्कालिन व्यवस्था म्हणून 24 तास सेवा शासकीय यंत्रणेकडून दिली जात आहे. मात्र, काही ठिकाणी केवळ सोपास्कार पूर्ण केले जात आहेत. याचेच उदाहरण म्हणजे आळंदी पालिकेने शुक्रवारी शहरात वाटलेल्या प्रसिद्धीपत्रकातील ग्रामीण रुग्णालयाचा 02135- 233032 हा दूरध्वनी क्रमांक आहे. कारण, हा क्रमांक लावल्यानंतर तो तात्पुरता बंद असल्याची टेप ऐकायला येते. त्याचबरोबर पालिकेच्या कार्यालयातील 02135- 232301 हा दूरध्वनी क्रमांकही बंद असल्याची टेप ऐकायला मिळते.
आळंदी पालिकेने कोरोनाच्या पार्श्वभूमीवर शहरात पत्रके वाटली. यामध्ये कोरोनाला घाबरू नका, सावध राहा, अशा आशयाचा मजकूर टाकून जागृती केली आहे. नागरिकांनी काय काळजी घ्यायची, हा संदेशही आहे. कोरोनाची लक्षणे आढळल्यास ग्रामीण रूग्णालयात संपर्क साधून तपासणीच्या सूचना केल्या आहेत. मात्र, संपर्कासाठी दिलेला दूरध्वनी सध्या बंद आहे. याच पत्रकात पालिकेच्या दोन कर्मचाऱ्यांचा मोबाईल क्रमांक दिला असून, ते क्रमांक चालू आहेत. मात्र, त्या कर्मचाऱ्यांचा मोबाईल वैयक्तिक असल्याने तो उचललाच जाईल, याची खात्री नाही. त्यामुळे शासकिय दूरध्वनी सुरू करण्याची मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.