पुणे : केंद्र सरकारच्या 'स्वामित्व' योजनेअंतर्गत पंतप्रधान नरेंद्र मोदी यांच्या हस्ते पुणे जिल्ह्यातील हवेली तालुक्‍यातील मौजे कोंढणपूर येथील शेतकरी विश्वनाथ मुजुमले यांना ऑनलाइन मिळकत पत्रिका वितरित करण्यात आली. 

- आंतरराष्ट्रीय बालिका दिन : आजही सावित्रीच्या लेकींची उच्च शिक्षणात होतेय परवड​

महसूल, भूमी अभिलेख, ग्राम विकास विभाग आणि राष्ट्रीय सूचना विज्ञान केंद्राच्या वतीने या कार्यक्रमाचे आयोजन करण्यात आले होते. यावेळी 
जमाबंदी आयुक्त एस. चोक्कलिंगम, जिल्हाधिकारी डॉ. राजेश देशमुख, भूमी अभिलेख विभागाचे उपसंचालक किशोर तवरेज, जिल्हा अधीक्षक भूमी अभिलेख राजेंद्र गोळे, जिल्हा परिषदेचे उप मुख्य कार्यकारी अधिकारी संदीप कोहिनकर तसेच महसूल व भूमी अभिलेख विभागाचे अधिकारी आणि शेतकरी उपस्थित होते. चोक्कलिंगम यांच्या हस्ते मुजुमले यांना प्रत्यक्ष मिळकत पत्रिका वितरित करण्यात आली. 

- इंजिनिअरिंग, फार्मसीला अॅडमिशन घेणाऱ्या विद्यार्थ्यांना दिलासा; ५० टक्के गुणांची अट रद्द​

राज्यातील गावठाण भूमापन न झालेल्या सर्व गावांचे गावठाणातील मिळकतीचे भूमापन करून मिळकतधारकांना मिळकत पत्रिका स्वरूपात अधिकार अभिलेख उपलब्ध करून देण्याच्या दृष्टीने राज्य सरकारने ही योजना सुरू केली. या योजनेची यशस्विता आणि त्याचा ग्रामीण जीवनावर होणारा परिणाम पाहून केंद्र शासनाने ही योजना जशीच्या तशी स्वीकारलेली आहे. त्यानुसार या योजनेतंर्गत सहा राज्यातील 763 गावातील 1 लाख 32 हजार नागरिकांना मिळकतपत्रिकेचे वाटप मोदी यांच्या हस्ते करण्यात आले. त्यामध्ये हवेली तालुक्‍यातील कोंढणपूर येथील मुजुमले या शेतकऱ्याला मोदी यांच्या हस्ते मिळकतपत्रिका मिळण्याचा मान मिळाला.

 - पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)