पुणे: पंतप्रधान नरेंद्र मोदी यांच्यासह विविध देशांचे राजदुत येत्या शनिवारी पुणे दौऱ्यावर येत आहेत. कोरोनावरील लशीचा आढावा घेण्याकरीता या दौऱ्यात प्राधान्य दिले जाणार आहे. ऑक्सफोर्ड विद्यापीठ व सीरम इन्स्टिट्यूट यांच्यातर्फे तयार करण्यात येत असलेली कोरोनावरील लस उत्पादनाच्या अंतिम टप्प्यात आहे. त्याची पाहणी करण्यासाठी खुद्द पंतप्रधान नरेंद्र मोदी येणार आहेत.
दरम्यान, त्यांच्यासमवेत विविध देशांचे राजदूत असणार आहेत. पंतप्रधान मोदी व काही देशांचे राजदूत हे दिल्ली येथून तर रशिया व सौदी अरेबियाचे राजदूत मुंबईहून विमानाने पुण्यात लोहगाव विमानतळावर दाखल होणार आहेत. त्यानंतर ते सीरम इन्स्टिट्यूटला भेट देऊन कोरोना लशीचा आढावा घेणार आहेत.
याबाबत प्रशासनामध्ये हालचाली सुरु झालेल्या आहेत.राजदूतांच्या दौर्याबाबत विभागीय आयुक्त सौरभ राव यांनी बैठक घेतली आहे. या संदर्भात त्यांनी प्रशासनाला सूचना दिलेल्या आहेत. राजदूतांचा दौरा प्रशासनाला प्राप्त झाला आहे. शंभर राजदूत 27 नोव्हेंबरला सीरमला भेट देणार आहेत. तर पंतप्रधान नरेंद्र मोदी यांचा दौरा अद्याप प्राप्त झालेला नसला तरीही ते 27 किंवा 28 नोव्हेंबरला पुण्यात येतील असे प्रशासकीय सुत्रानी सांगितले.
केंद्रीय परराष्ट्र मंत्रालयाने पुण्याचे विभागीय आयुक्त सौरभ राव यांना या भेटीची माहिती देत तिचे नियोजन करण्याच्या सूचना दिल्या आहेत. तसेच या दौऱ्याबाबत परराष्ट्र मंत्रालयाच्या अधिकार्यांनी राव यांच्यासह पुण्याचे पोलिस आयुक्त अमिताभ गुप्ता यांच्याशी सविस्तर चर्चा करून कार्यक्रम निश्चित केला असल्याचे वरिष्ठ पोलिस अधिकाऱ्यानी माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.