पुणे - सावित्रीबाई फुले पुणे विद्यापीठाशी संलग्न महाविद्यालय सुरु करण्यासाठी स्थापन करण्यात आलेल्या समितीची बुधवारी पहिली बैठक घेण्यात आली. मात्र त्यात महाविद्यालये सूरू करण्याबाबत कोणताही अंतिम निर्णय झाला नाही. आता या समितीची दुसरी बैठक येत्या सोमवारी (ता.४) होणार आहे. त्यात महाविद्यालये सुरू करण्याबाबत निर्णय होण्याची शक्यता आहे. शहरातील माध्यमिक शाळांमधील इयत्ता नववी ते बारावीच्या वर्ग येत्या सोमवारपासून (ता.४) सुरू होणार असले तरी महाविद्यालये सुरू होण्यासाठी आणखी प्रतीक्षा करावी लागणार असल्याचे स्पष्ट झाले आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

राज्यात तसेच शहरात कोरोनाचा प्रादुर्भाव काहीसा कमी झाल्याने माध्यमिक शाळांमधील इयत्ता नववी ते बारावीचे वर्ग नोव्हेंबर अखेरीस सूरू करण्याला राज्य सरकारने मान्यता दिली. त्यानंतर राज्यातील बहुतांश जिल्ह्यांमध्ये शाळा सुरू झाल्या. तर पुणे महापालिका क्षेत्रातील शाळा (९वी ते १२वीचे वर्ग) सुरू करण्याला महापालिका आयुक्त विक्रम कुमार यांनी २४ डिसेंबरला मान्यता दिली.

सत्यजित तांबेचे संधीसाधू राजकारण संपूर्ण राज्याला माहित आहे - अंकिता पाटील

दरम्यान कोरोनानंतर बंद करण्यात आलेली महाविद्यालये सुरू करावी, अशी मागणी जोर धरू लागली आहे. त्यामुळे विद्यापीठाने महाविद्यालये सुरू करण्यात संदर्भात अहवाल सादर करण्यासाठी समिती स्थापन केली आहे. या समितीमध्ये विविध विद्या शाखांमधील प्राध्यापक आणि प्राचार्य यांचा समावेश आहे. 

पुणेकरांनो, 'थर्टी फर्स्ट'ला बाहेर पडताय? जाणून घ्या वाहतुकीतील बदल

या समितीची बुधवारी बैठक झाली. महाविद्यालय सुरू करण्यासाठी कोणती खबरदारी घ्यावी, महाविद्यालय प्रशासनाकडून विद्यार्थ्यांची सुरक्षित व आरोग्यदायी वातावरणात बैठक व्यवस्था करता येऊ शकते का? सुरवातीला अंतिम वर्षाच्या किंवा स्पेशल विषय घेतलेल्या विद्यार्थ्यांचे वर्ग सुरू करता येतील का? विज्ञान विषयाचे प्रॅक्टिकल्स सुरु करणे योग्य ठरेल का अशा विविध विषयांवर बैठकीत चर्चा करण्यात आल्याची माहिती विद्यापीठ प्रशासनाने दिली आहे.

खळबळजनक! राष्ट्रवादीच्या नगरसेवकच्या हत्येचा कट; येरवड्यात शिक्षा भोगणाऱ्या गुंडाने घेतली सुपारी!

Edited By - Prashant Patil