पुणे - कोरोनाचा वाढता प्रादुर्भाव लक्षात घेता उत्तम रोगप्रतिकारशक्ती राखण्यासाठी आयुष मंत्रालयाने सुचविलेल्या उपचार पद्धतीबरोबरच प्राणायाम करणे गरजेचे आहे, असे मत स्वामी योग अनुसंधान संस्थेचे कुलपती डॉ. एच. आर. नागेंद्र यांनी व्यक्त केले.
- पुण्याच्या बातम्या वाचण्यासाठी येथे ► क्लिक करा
आंतरराष्ट्रीय योग दिनाचे औचित्य साधून सावित्रीबाई फुले पुणे विद्यापीठाच्या वतीने 'युवकांसाठी योग' या विषयावर वेबिनारचे आयोजन करण्यात आले. या उपक्रमात पतंजली योग अध्यासन, आरोग्यशास्त्र विभाग आणि क्रीडा व शारीरिक शिक्षण मंडळ यांचा सहभाग होता.
कुलगुरू डॉ. नितीन करमळकर, रामकुमार राठी, योगगुरू डॉ. संप्रसाद विनोद, योग अभ्यासक डॉ. मन्मथ घरोटे, समन्वयक डॉ. सुनंदा राठी, केंद्र शासनाच्या योग व निसर्गोपचार संस्थेचे संचालक डॉ. राघवेंद्र राव सहभागी झाले.
कोरोनाच्या संसर्गामुळे सर्व समाज मानसिक तणावाखाली आहे. विद्यार्थीही त्याला अपवाद नाहीत. परीक्षा आणि अभ्यासक्रम यांच्या अनिश्चिततेमुळे विद्यार्थी संभ्रमावस्थेत आहेत. अशा वेळी विद्यार्थ्यांनी मनोबल वाढविण्यासाठी योगाचा अंगीकार करावा, असे आवाहन डॉ. करमळकर यांनी केले.
आरोग्यशास्त्र विभागाच्या संचालिका डॉ. आरती नगरकर यांनी प्रास्ताविक केले. क्रीडा व शारीरिक शिक्षण मंडळाचे अध्यक्ष प्रा. दीपक माने, आरोग्यशास्त्र विभागातील सहाय्यक वैद्य गिरीश टिल्लू आदी मान्यवर उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.