पुणे - दिवाळीसाठी आवश्‍यक असलेल्या इलेक्‍ट्रिकल वस्तूंची खरेदी करण्यासाठी ग्राहकांची पावले आता इलेक्‍ट्रिकल दुकानांकडे वळू लागली आहेत. कोरोनाच्या पार्श्‍वभूमीवर यंदाच्या दिवाळीत इलेक्‍ट्रिकल वस्तूंच्या विक्रीत ३० ते ४० टक्‍क्‍यांनी घट झाली आहे. शिवाय, ग्राहक यंदा भारतीय बनावटीच्या इलेक्‍ट्रॉनिक्‍स वस्तूंची खरेदी करण्यास प्राधान्य देऊ लागले आहेत. चिनी बनावटीच्या मालाला यंदा कमी मागणी असल्याचे बुधवार पेठेतील पासोड्या विठोबा मंदिराजवळील पुष्पराज इलेक्‍ट्रिकलचे राजाभाऊ भळगट यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

दिवाळीत घरांची सजावट करण्यासाठी वापरण्यात येणाऱ्या विजेच्या दिव्यांच्या माळांना अधिक मागणी आहे. यामध्येही ५० फूट, ४० फूट आणि १०० फूट लांबीच्या माळा खरेदी करण्यासाठी ग्राहक पसंती देत आहेत. 

या सर्व माळा भारतीय बनावटीच्या आहेत. चिनी बनावटीच्या इलेक्‍ट्रिकल माळा फॅन्सी असतात. भारतीय बनावटीच्या माळांची किंमत २० रुपयांपासून एक हजार रुपयांपर्यंत, तर चिनी बनावटीच्या माळांची किंमत ९० रुपयांपासून ८०० रुपयांपर्यंत आहे. मात्र यंदा या फॅन्सी माळांना फारशी मागणी नसल्याचे इलेक्‍ट्रिक वस्तूंच्या विक्रेत्या ऊर्मिला नावंदर यांनी सांगितले. 

महत्त्वाची बातमी: MBBS, BDSच्या जागा जाहीर; विद्यार्थ्यांमध्ये अॅडमिशनसाठी रंगणार चुरस

दरम्यान, यंदा एलईडी अँड थ्रीडी, होम थिएटर टीव्ही, वॉटर प्युरिफायर, व्हॅक्‍यूम क्‍लीनरसह ॲटोमॅटिक वॉशिंग मशिन, रेफ्रिजरेटर, मोबाईलचे नवीन मॉडेल्स अशा विविध वस्तूंची खरेदी गतवर्षीच्या तुलनेत कमी झाल्याचेही 
सांगण्यात आले.

हृदयद्रावक : वडिलांनी शर्थीचे प्रयत्न करूनही मुलगा बुडाला 

टीव्हीमध्ये नवीन प्रकार खरेदी करण्याला प्राधान्य दिले जात आहे. त्यादृष्टीने ‘एलईडी अँड थ्रीडी’, ‘स्वाईप अँड शेअर’ यांसारख्या टीव्हीची किंमत २० हजारांपासून पुढे, तर डबल डोअर, बॉटम फ्रीजर ३० हजारांपासून उपलब्ध आहेत. १५ हजार व त्यापेक्षा अधिक किंमत असलेले विविध कंपन्यांचे ॲटोमॅटिक वॉशिंग मशिन आहेत. वॉटर प्युरिफायर, व्हॅक्‍यूम क्‍लीनर, मिक्‍सर ग्राइंडर खरेदीसाठी बाजारपेठेत गर्दी होत आहे.

Edited By - Prashant Patil