पुणे : अंतिम वर्षाची परीक्षा ऑनलाइन घेताना त्यामध्ये कॉपी करण्याचे प्रकार समोर आले आहेत. त्यामुळे या गैरप्रकारांचा बंदोबस्त करण्यासाठी अंतिम पूर्व वर्षातील बॅकलॉग विषयांच्या परीक्षेत प्रॉक्टर्ड तंत्रज्ञानाचा वापर केला जाणार आहे. त्यामुळे प्रत्येक विद्यार्थ्यांच्या हालचालीवर नियंत्रण ठेवणे शक्य होणार असल्याचे सावित्रीबाई फुले पुणे विद्यापीठातील सूत्रांनी दिली.

पुणे विद्यापीठातर्फे अंतिम वर्षाच्या विद्यार्थ्यांचे परीक्षा ऑनलाईन आणि ऑफलाईन पद्धतीने घेतली. ही परीक्षा बहुपर्यायी प्रश्न (मल्टिपल चॉइस क्वेश्चन- एमसीक्यू) पद्धतीने घेण्यात आली. यामध्ये जवळपास एक लाख ९० हजार विद्यार्थ्यांनी ऑनलाइन माध्यमातून परीक्षा दिली आहे. मात्र ही ऑनलाइन परीक्षा घेताना तांत्रिक कमतरतेचा गैरफायदा घेत विद्यार्थ्यांनी कॉपी केल्याचे प्रकार समोर आले आहेत. तसेच ऑनलाइन कॉपी कशी करावी याची माहिती देणारा व्हिडिओ देखील व्हायरल करण्यात आलेला होता.

- पुणे : लष्कर भरतीच्या परीक्षेत पास करण्याचे आमिष दाखवले अन् दोघे अडकले​

अंतिम वर्ष परीक्षेत 'ऑफलाईनवर नियंत्रण ऑनलाइन परीक्षा नियंत्रणाबाहेर' अशी अवस्था असल्याने यात सुधारणा करण्याच्या दृष्टीने पुणे विद्यापीठाने विचार सुरू केला आहे. विद्यापीठात शिकवल्या जाणाऱ्या अभ्यासक्रमांच्या प्रवेश परीक्षेसाठी प्रॉक्टर्ड तंत्रज्ञानाचा वापर केला होता. त्याच पद्धतीने आता अंतिम वर्ष वगळता इतर वर्षाच्या पदवी आणि पदव्युत्तर पदवीच्या विद्यार्थ्यांच्या बॅकलॉक राहिलेला विषयांच्या परीक्षा घेतल्या जाणार आहेत. 

विद्यापीठातील अधिकाऱ्यांनी सांगितले की, "बॅकलाॅगच्या परीक्षा पारदर्शकपणे आणि गुणवत्तापूर्ण होणे आवश्यक आहे. त्यासाठी प्रॉक्टर्ड या तंत्रज्ञानाचा वापर करून परीक्षा घेण्याबाबत विद्यापीठ सकारात्मक आहे. याबाबत लवकरच निर्णय जाहीर होईल. बॅकलॉगची परीक्षा दिवाळीनंतर घेतल्या जातील आणि डिसेंबर महिन्यात या परीक्षांचे निकाल जाहीर होतील. यामध्ये विद्यार्थ्यांना कोणताही त्रास होणार नाही.

- फिटनेस प्रेमी अजूनही धास्तावलेलेच; जिमचालक आणि नागरिक म्हणतात...​

प्राॅक्टर्डमुळे हे करणे शक्य 
- 'प्राॅक्टर्ड टेस्ट' या प्रणालीद्वारे प्रत्येक विद्यार्थ्याचा 'लाॅगइन आयडी' तयार करण्यात येईल. 
- मोबाईल, लॅपटॉप, टॅब, काॅमप्युटरवर कमीत कमी रेंजमध्येही लाॅग-इन करता येते.
- विद्यार्थी परीक्षेला बसला आहे, तेथून तो जागेवरून हलू शकत नाही. 
- जागेवरून उठल्यास किंवा गैरप्रकार करत असल्याचे लगेच संबंधित यंत्रणेला त्याची माहिती मिळते.
- तीनवेळा त्याला सूचना देऊन तरीही सुधारणा न झाल्यास विद्यार्थ्याला परीक्षा देता येत नाही.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)