crime
crime sakal
पुणे

मनोरुग्णाचा खेळ : निष्पाप बारामतीकराचा बळी गेला...

- मिलिंद संगई

बारामती : शहरातील मनोरुग्णांचा त्रास नागरिकांना सहन करावा लागत होता, आता मात्र मनोरुग्णांची विकृती लोकांच्या जीवावर उठली असून पोलिस व नगरपालिका आता नेमकी काय भूमिका घेणार या कडे बारामतीकरांचे लक्ष लागून राहिले आहे.

रविवारी (ता. 14) शहरातील कसब्यात नेहमीप्रमाणे हातगाडीवर भाजीविक्री करणारे फारुख इसाक तांबोळी (वय 52 ) यांच्यापुढे काय वाढून ठेवल आहे याची यत्किंचितही कल्पना कोणालाच नव्हती. भाजी विक्री करताना अचानकच अनिकेत सुरेश शिंदे हा अंदाजे 22 वर्षीय युवक फारुख यांच्याजवळ आला आणि दारु प्यायला 20 रुपये द्या अशी मागणी त्याने केली. फारुख यांनी तो अनोळखी असल्याने त्याला पैसे देण्यास नकार दिला, त्या नंतर तो तेथून गेला पण काही क्षणातच तो पुन्हा परत आला आणि काही कळण्याच्या आतच फारुख यांच्या डोक्यावर अँडजेस्टबल पान्ह्याने जोरदार प्रहार केला.

काही क्षणात हा हल्ला झाल्यामुळे फारुख यांना सावरण्याची संधीच मिळाली नाही, ते जमिनीवर कोसळले, तेथील लोकांनी अनिकेत यास पकडून पोलिसांच्या स्वाधीन केले. पोलिसांनी त्याच्याविरुध्द खुनाच्या प्रयत्नाचा गुन्हा दाखल केला होता. फारुख यांच्यावर सुरवातीला बारामतीत आणि त्या नंतर पुण्यात उपचार करण्यात आले, मात्र छोट्या मेंदूला दुखापत झाल्याने आज (ता. 17) पहाटे त्यांची प्राणज्योत मालवली.

बारामती शहरात अनेक ठिकाणी मनोरुग्ण असलेल्या स्त्री पुरुषांची संख्या लक्षणीय आहे, यातील काही हिंसक बनतात, त्याचा त्रास लोकांना होतो, अनेकदा वाहनावरील लोकांना दगड फेकून मारणे, चालत्या वाहनावरुन लोकांना खाली ओढणे, दुखापत करणे, वस्तू पळवून नेणे असे अनेक प्रकार हे मनोरुग्ण करतात. मानवतेच्या दृष्टीकोनातून अनेक जण त्यांना मदत करत असले तरी काही मनोरुग्ण लोकांच्या जीवीताच्या दृष्टीने धोकादायक आहेत.

या संदर्भात माहिती घेतली असता बारामती शहरात स्त्री पुरुष मनोरुग्णांची नेमकी संख्या ना पोलिसांकडे आहे ना नगरपालिकेकडे. या बाबत पाठपुरावा करण्यासाठी गेलेल्या नागरिकांना आता हेच काम करायचे बाकी होते, अशा शब्दात सुनावले जाते, त्या मुळे या बाबत फार कोणी तक्रार करतच नाहीत. आज मात्र एका निष्पाप नागरिकाला प्राणाला मुकावे लागल्यानंतर नगरपालिका, पोलिस व आरोग्य विभाग यांनी संयुक्तपणे कारवाई करुन बारामतीकरांचे जीवन सुरक्षित करण्यासाठी प्रयत्न करायला हवेत.

वरिष्ठांनीही यात लक्ष घालून जबाबादारी निश्चित करुन देण्याची गरज आहे, भविष्यात निरपराध नागरिकाच्या जीवीतास दुखापत झाली तर त्याची जबाबदारी या अधिका-यांवर निश्चित करण्याची मागणी आता नागरिक करु लागले आहेत.

बारामतीतील मनोरुग्णांची रवानगी मनोरुग्णालयात करा...

निष्पाप नागरिकांच्या जीवाशी मनोरुग्ण खेळतात, अनेकांना दुखापत होते, अनेकांना दवाखान्यापर्यंत जावे लागते, लहान मुलांनाही त्यांचा धोका उदभवतो, फारुख तांबोळी यांच्या घटनेनंतर आता तरी नगरपालिका पोलिसांनी मनोरुग्णांना शहरातून बाहेर काढावे- मुनीर तांबोळी, सामाजिक कार्यकर्ता, बारामती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Ajit Pawar : रोहित पवार झाले भावनिक, अजित पवारांनी केली नक्कल! म्हणाले, असली नौटंकी...

PCB T20 WC 2024 : टी 20 वर्ल्डकप जिंकला तर पाकिस्तानी खेळाडू होणार करोडपती; PCB ने दिलं मोठं आश्वासन

LinkedIn Job Search : नोकरीची चिंता आता सोडा.! लिंक्डइनवर जॉब शोधण्याची ‘ही’ आहे सोपी पद्धत

IPL 2024 PBKS vs CSK Live Score : सीएसकेचाही पलटवार; पंजाबची गळती सुरू जवळपास निम्मा संघ गारद

Baramati Lok Sabha Election : 'तुम्ही आमचा जीव, आत्मा आहात...' बारामतीमधील सभेत रोहित पवारांना अश्रू अनावर

SCROLL FOR NEXT