उरुळी देवाची (पुणे) : तीन जून रोजी झालेल्या पाऊस व वादळी वार्‍यामुळे वडकी परीसरात झालेल्या शेतकर्‍यांच्या पीक व फळबागांचे मोठ्या प्रमाणात नुकसान झाले होते. त्याची पाहणी कृषी व महसूल विभागाच्या वतीने करुन पंचनामे करण्यात आले. 
कोकण किनार पट्टीवर धडकलेल्या चक्रीवादळाचा तडाखा पुण्यासह अनेक ठिकाणी बसल्यामुळे शेतकरी व स्थानिक ग्रामस्थांचे मोठ्या प्रमाणात नुकसान झाले होते. यामध्ये शहरालगत असलेल्या वडकी परिसरातील फळबागांचे मोठ्या प्रमाणात नुकसान झाल्याने शेतकरी हवालदिल झाले आहेत.

 अटक न करण्यासाठी दुकानदाराकडे `त्यांनी` मागितली चक्क लाच मग...

कोरोनामुळे बाजारपेठ उपलब्ध नसल्याने अगोदरच खाईत गेलेल्या शेतकर्‍यांवर पाऊस व वादळी वार्‍यामुळे अनेक फळझाडे मुळासह उखडून पडल्याने फळबागांचे अस्तित्वच धोक्यात आले. उन्हाळ्यात अत्यंत कष्टाने व जीवापाड प्रेम करून जपलेल्या पेरू, सीताफळ, अंजीर, लिंबू या फळबागा वादळाने जमिनदोस्त झाल्याने या अस्मानी संकटातून शेतकर्‍यांना वाचविण्यासाठी शेतकर्‍यांनी शासनाकडे नुकसान भरपाईची मागणी केली होती. 

पुणेकरांनो, दुपारनंतर छत्री घेऊनच बाहेर पडा!

त्यानुसार कृषी विभाग, महसूल विभाग, जिल्हा परिषद व ग्रामपंचायत वडकी यांच्या वतीने वडकी परीसरातील बागांची पाहणी तालुका कृषी अधिकारी जाधव पी. एस. महसूल अधिकारी नामदेव शिंदे, मधुकर बावळे, जि. प. कर्मचारी अंकुश जाधव, वडकीच्या सरपंच ताराबाई मोडक, सचिन मोडक, मच्छिंद्र गायकवाड, जनसुराज्य फाऊंडेशनचे अध्यक्ष लहु पारवे, अंकुश गायकवाड, नुकसानग्रस्त शेतकरी मधुकर गायकवाड, गोरख गायकवाड आदीच्या उपस्थितीत पंचनामे केले. नुकसानग्रस्त शेतकर्‍यांना त्वरित आर्थिक मदत करण्याची मागणी ग्रामस्थ व शेतकरी यांनी यावेळी शासकीय अधिकार्‍यांकडे केली आहे.