पुणे : पुण्यात कोरोना रुग्णांचा आकडा कमी होण्याचे नावही घेईनासा झाला असून, आतापर्यंत सर्वाधिक म्हणजे 78 रुग्ण शनिवारी सापडले आहे. परिणामी, ही संख्या साडेपाचशेपर्यंत गेली आहे.
नव्या रुग्णांची भर पडत असतानाच एकाचा जीवही गेला आहे. त्यामुळे मृतांची संख्याही 50 झाली आहे. तर विविध रुग्णालयांतील चार रुग्णांची प्रकृती गंभीर आहे. पुणेकरांना दिलासा देणार बाब म्हणजे दोन रुग्ण बरे झाल्याने त्यांना घरी सोडण्यात आले आहे.
पुणे शहरात नऊ मार्चला कोरोनाचा पहिला रुग्ण सापडला. त्यानंतरही रोज नव्या रुग्णांची भर पडत गेली. गेल्या आठ दिवसांत रोज साधारपणे 50 आणि दोन दिवस 60 पेक्षा अधिक रुग्ण आढळून आले. त्यात सर्वाधिक दोनदा 65 जणांचा अहवाल पॉझिटिव्ह आला आहे. शुक्रवारी 59 रुग्ण होते. तोच शनिवारी 78 जणांना कोरोना झाला आहे. कोरोना रुग्णांच्या संख्येत एवढ्या प्रमाणात वाढ होत असल्याने पुणेकरांत पुन्हा भीती पसरली आहे.
मृतांमध्ये गंजपेठेतील 75 वर्षाच्या पुरुषाचा समावेश असून, त्यांना त्रास होत असल्याने 11 एप्रिलला रुग्णालयात दाखल केले होते. त्यानंतर त्यांच्या घशातील द्रव पदार्थांच्या नमुन्याचा अहवाल पॉझिटिव्ह आल्याने उपचार सुरू करण्यात आले होते. त्यानंतर शनिवारी त्यांचा कोरोनामुळे मृत्यू झाल्याचे डॉक्टरांनी जाहीर केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.