पुणे :  कोरोनाने शिरकाव केल्यापासून पुणेकरांना सुरक्षित ठेवण्यासाठी जोरदारपणे लढणाऱ्या महापौर मुरलीधर मोहोळ यांच्यावरही शनिवारी कोरोनाने हल्ला केला. कोरोनाच्या या हल्ल्यानंतरही पुणेकरांना सुरक्षित ठेवण्याचा शब्द देत महापौर मोहोळ उपचारासाठी खासगी रुग्णालयात रवाना झाले. तत्पूर्वी ' मी बरा आहे तुम्ही खूप काळजी घ्या' असा सल्ला देतानाच उपचारानंतर मी तुमच्या सेवेत येणार असल्याचा विश्वासही महापौर मोहोळ यांनी पुणेकरांना दिला. दरम्यान महापौर मोहोळ यांना हलका ताप असल्याने त्यांचा स्वॅब घेण्यात आला होता. त्यानंतर त्यांचा रिपोर्ट शनिवारी सायंकाळी आला.

पेट्रोल- डिझेलच्या दरावरून पुणेकरांना असाही दिलासा...

पुण्यात ९ मार्चला कोरोनाचा शिरकाव झाला. त्यामुळे अवघे शहर हदरले आणि कोरोनापासून पुणेकरांचा बचाव व्हावा यासाठी मोहोळ यांनी आरोग्य यंत्रणांचे जाळे विस्तारले. दुसरीकडे मात्र, कोरोनाचा आवाका वाढतच राहिल्याने सगळ्या यंत्रणा तोकड्या ठरण्याची भिती होती. तरीही कोरोनाचा अटकाव करण्यासाठी महापौर मोहोळ हे रस्त्यावर उतरुन स्वत: उपाययोजना आखत होते.

कोरोनाचा रिपोर्ट पाॅझिटिव्ह आल्याचे एेकूनच आला हार्ट अॅटॅक

संपूर्ण शहाराचा आढावा घेत महापौर मोहोळ दिवसात ८ ते १० बैठका घेण्याचा सपाटा लावत होते. त्याशिवाय महापालिकेच्या नायडूसह खासगी रुग्णालयातील माहितीही घेत राहिले. तसेच रुग्णांना आवश्यक असलेल्या सूचनाही देत होते. राज्य सरकारमधील मंत्री आणि वरिष्ठ अधिकाऱ्यांसमवेत बैठका घेऊन निरनिराळ्या योजना आखत होते. मात्र दुर्देवाने महापौर मोहोळ यांनाच कोरोनाची लागण झाल्याचे स्पष्ट झाले. परिणामी महापालिकेसह संबंध शहर पुन्हा एकदा प्रचंड घाबरले आहे.