पुणे : पुण्यासह राज्यातील सरासरी तापमानात रविवारी (ता.२४) लक्षणीय वाढ पाहायला मिळाली. नागपूर येथे सर्वाधिक ४६.५ अंश सेल्सियस तापमानाची नोंद झाली. तर पुणे शहरातही पाऱ्याने आज चाळीशी ओलांडली. रविवारी दिवसभर आकाश निरभ्र आणि हवामान कोरडे होते. 

- विमान सेवा 'टाय टाय फिस'; राज्य सरकारचा आदेश आला आडवा!

मध्य महाराष्ट्र, विदर्भ आणि मराठवाड्यात सरासरीच्या तुलनेत तापमानात मोठी वाढ झाली होती. पुढील तीन दिवस तापमानात किंचितशी वाढ होणार असून, आकाश मुख्यत्वे निरभ्र आणि हवामान कोरडे असेल. सोमवारी (ता.२५) विदर्भात बऱ्याच ठिकाणी, तर मराठवाडा आणि मध्यमहाराष्ट्रात काही ठिकाणी उष्णतेच्या लाट तर तुरळक ठिकाणी तीव्र उष्णतेच्या लाटेचा इशारा हवामान विभागाने दिला आहे. गुरुवारी (ता.२८) कोकण आणि गोव्यात तुरळक ठिकाणी पावसाची शक्यता असली तरी, उर्वरित महाराष्ट्रात हवामान कोरडे असेल. 

- कोरोनासंदर्भात चौकशीच करायची असेलच तर...; चीनचे परराष्ट्रमंत्री काय म्हणाले पाहा!

पुण्यात चाळीशी पार
शहर आणि परिसरातील तापमानात शुक्रवार (ता.२२)पासून लक्षणीय वाढ पाहायला मिळाली आहे. हवामान विभागाच्या आकडेवारीनुसार शुक्रवारी सरासरी तापमान ३७.८ अंश सेल्सियस होते. रविवारी हेच तापमान ४१ अंश सेल्सियस झालेलं पाहायला मिळालं. लोहगाव येथे सर्वाधिक ४१ अंश सेल्सियस तर पाषाण येथे ४०.२ अंश सेल्सियस तापमानाची नोंद झाली. उद्याही शहरातील तापमानात सरासरीच्या तुलनेत किंचितशी वाढ हवामान विभाच्यावतीने वर्तविण्यात आली आहे.

 - खासदारपदाच्या हॅटट्रिकच्या वर्षपूर्तीनिमित्त सुप्रिया सुळे यांनी केलाय `हा` संकल्प

पुण्यातील सरासरी तापमान अंश सेल्सिअसमध्ये :-

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा