पुणे : कोविड-19 चा पेठा आणि झोपडपट्ट्यांमधील वाढता प्रभाव लक्षात घेऊन भविष्यात या परिसराचे नव्याने नियोजन करण्याचा निर्णय महापालिकेने घेतला आहे. त्याचाच एक भाग म्हणून महापालिकेच्या मालकीच्या जागांवर असलेल्या 22 झोपडपट्ट्यांचा पुनर्वसन खासगी विकसकांऐवजी स्वत:च्या खर्चातून करण्याचा निर्णय महापालिकेने घेतला आहे. त्यासाठी अंदाजे शंभर कोटी रुपये खर्च अपेक्षित आहे. महापालिका आयुक्त शेखर गायकवाड यांनी सोमवारी (ता.४) ही माहिती दिली.
पुणे शहरात कोरोना बाधित रुग्णांची संख्या गेल्या काही दिवसात झपाट्याने वाढली आहे. सोसायट्यांच्या परिसरातून सुरू झालेल्या या महामारीचा सर्वाधिक विळखा शहरातील पेठा आणि झोपडपट्ट्यांना पडला आहे. दाटवस्ती, अरुंद रस्ते, सार्वजनिक शौचालय आदी कारणांमुळे या भागात वेगाने या विषाणूचा संसर्ग वाढतो आहे.
त्यातून या विषाणूला रोखण्यासाठी प्रभावी अस्त्र असलेले सोशल डिस्टिसिंग पाळणे देखील शक्‍य होत नाही. त्यामुळे भविष्यात कोरोना अथवा अशा कोणत्याही संसर्गजन्य आजाराचा मुकाबला करावयाचा असेल, तर पेठा आणि झोपडपट्ट्यांच्या भागाचे फेरनियोजन करून विकास करावा लागणार असल्याचे सांगितले जात आहे.
या सर्व पार्श्‍वभूमीवर महापालिकेने हा निर्णय घेतला आहे. पुणे शहरात महापालिकेच्या मालकीच्या जागेवर असलेल्या झोपडपट्ट्यांची संख्याही जवळपास 22 आहे. तर महापालिका आणि राज्य सरकार या दोघांच्या मालकीच्या जागेवरील झोपडपट्ट्यांची संख्या ही सुमारे 15 आहे. या दोन्ही झोपडपट्ट्यांच्या खालील क्षेत्रही मोठे आहे. शहरातील झोपडपट्ट्यांच्या पुनर्विकासाचे काम हे झोपडपट्टी पुनर्वसन प्राधिकरणामार्फत (एसआरए) केले जाते. प्राधिकरणाकडून खासगी विकसकांकडून निविदा मागवून हे काम करण्यात येते.
परिणामी, त्यामध्ये अनेक अडचणी येऊन झोपडपट्ट्यांच्या पुनर्विकसनास मर्यादा येतात. त्यामुळे आता महापालिकेच्या मालकीच्या जागेवर असलेल्या झोपडपट्ट्यांचा पुनर्विकास स्वत:च करण्याचा निर्णय महापालिकेने घेतला आहे. याबाबतचा प्रस्ताव लवकरच तयार करून तो सर्वसाधारण सभेपुढे मान्यतेसाठी मांडण्यात येणार आहे, असेही गायकवाड यांनी सांगितले.
- कोरोनाशी संबंधित पुण्याच्या बातम्या वाचण्यासाठी येथे ► क्लिक करा
- महापालिकेच्या मालकीच्या जागेवर असलेल्या झोपडपट्ट्यांची संख्या - 22
- त्याखालील एकूण क्षेत्र - 1 लाख 93 हजार 383 चौरस मीटर
- रेडी रेकनरमधील दरानुसार या क्षेत्राची किंमत - अंदाजे 300 कोटी
- पुनर्विकासासाठी येणारा अपेक्षित खर्च - 75 ते 100 कोटी
- खासगी विकसकाऐवजी महापालिकाच करणार झोपडपट्ट्यांचा पुनर्विकास
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.