सावता नवले

कुरकुंभ - दौंड तालुक्यातील कुरकुंभ औद्योगिक वसाहतीतील मेल्झर केमिकल प्रायव्हेट लिमिटेड कंपनीत झालेल्या स्फोटात भाजल्याने चार कामगार गंभीर जखमी झाले असून ही घटना शनिवारी ( ता. १६ ) दुपारी साडेचारच्या सुमारास घडली. स्फोटाचे नेमके कारण व जखमीची नावे समजू शकली नाहीत.

यासंदर्भात पोलिसांना घटनेची कल्पना नव्हती. या घटनेने पुन्हा वसाहतीतील सुरक्षेतेचा प्रश्न ऐरणीवर आला आहे.

कुरकुंभ औद्योगिक वसाहतीतील मेल्झर कंपनी उत्पादनाची प्रक्रिया चालू असताना अचानक स्फोट झाल्याने चार कामगार गंभीररित्या तर एक जण किरकोळ भाजल्याने जखमी झाले आहेत. जखमींना उपचारासाठी दौंड येथील पिरॅमिट हॉस्पिटलला दाखल करण्यात आले आहे.

चारही कामगार पूर्णपणे भाजल्याने शरीर करपले आहे. माञ जखमी कामगारांची नावे समजू शकली नाहीत. या घटनेने पुन्हा एकदा औद्योगिक वसाहतीचा परिसर हदरला असून सुरक्षेचा प्रश्न ऐरणीवर आला आहे.