हडपसर (पुणे): बावीस तोळ्याचे सोन्याचे दागिने चोरणा-या आरोपीस हडपसर पोलिसांनी २४ तासाच्या आत अटक करून मुद्देमाल जप्त केला. आरोपींना रविवारपर्यंत पोलिस कोठडी देण्यात आली आहे.

शुभम अशोक राखपसरे (वय २१, रा. घुले वस्ती, मांजरी) असे अटक करण्यात आलेल्या चोरटयाचे नाव आहे. याबाबत संतोष उत्तम टिळेकर (वय ४० रा. महादेवनगर, मांजरी) यांनी याप्रकरणी फिर्याद दिली होती.

वरिष्ठ पोलिस निरिक्षक विष्णू पवार यांनी दिलेल्या माहितीनुसार, २४ मे रोजी पहाटे अडीच वाजता टिळेकर कुटूंबीय घरात झोपले होते. त्यांचे त्याच इमारतीत हार्डेवेअरचे दुकान आहे. पहाटेचा फायदा घेवून चोरटयाने दुस-या मजल्यारील बेडरूमच्या उघडया दरवाजावाटे आत प्रवेश केला. कपाट तोडून कपाटातील वीस तोळे सोन्याचे दागीने चोरले. गोपीनीय माहितीच्या आधारे त्याच दिवशी साडेसात वाजता राखपसरे याला अटक केली. पोलिसी खाक्या दाखवताच त्याने गुन्हायाची कबुली दिली. त्यानंतर घराशेजारीच बंद स्थितीत असलेल्या स्वतःच्या गाडीत लपवून ठेवलेले दागीने जप्त केले.

तपास पथकामध्ये गुन्हे पोलिस निरिक्षक अंजूम बागवान, सहाय्यक पोलिस निरिक्षक संदीप देशमाने, सहाय्यक पोलिस निरिक्षक हेमत पाटील, हवलदार राजेश नवले, युसुफ पठाण, सैदोबा भोजराव, राजू वेंगरे, प्रमोद टिळेकर, प्रताप गायकवाड, विनोद शिवले, गणेश दळवी, नितीन मुंढे, अमित कांबळे, अकबर शेख, दाउद सय्यद यांचा समावेश होता.

ताज्या बातम्याः

• सव्वाशे कोटींच्या भारतात प्रत्येकाला रोजगार देणे अशक्‍य- अमित शहा
• लष्कराच्या कारवाईत बुरहाण वाणीचा उत्तराधिकारी ठार
• नाशिकमधील दारणा नदीत बुडून दोन मुलांचा मृत्यू
• काश्‍मिरमधील सोशल मिडियावरील बंदी हटविली
• यंदा बियाणे खरेदीत शेतकऱ्यांना दिलासा
• काश्‍मीरमध्ये घुसखोरी करणाऱ्या चार दहशतवाद्यांना कंठस्नान
• पुन्हा हेलिकॉप्टर अन्‌ पुन्हा प्रवास!
• हम भी सबको देख लेंगे - नारायण राणे
• मराठ्यांचा इतिहास पोचणार अटकेपार
• गाव करील ते राव काय करील...!