पुणे : खराडीतील रायझिंग मेडीकेअर या कोरोना उपचार रुग्णालयात ऑक्सिजन सिलेंडर वाहतूक करणारी गाडी अडवून गोंधळ घालणाऱ्यास पोलिसांनी अटक केली.
गणेश ज्ञानेश्वर गाडे (वय ३७, रा.पंढरीनगर, खराडी) असे अटक करण्यात आलेल्याचे नाव आहे. या प्रकरणी विनोद भारती (वय ४०, रा. मुंढवा) यांनी चंदननगर पोलिस ठाण्यात फिर्याद दिली आहे.
खराडीतील रायझिंग मेडीकेअर हॉस्पिटलला महापालिकेने कोरोना उपचार रूग्णालय म्हणून मान्यता दिली आहे. या रूग्णालयात ऑक्सिजन सिलेंडर गाडीतून उतरविण्यात येत असल्याने सिलिंडरच्या टाकीचा आवाज होतो. या आवाजामुळे त्रास होत असल्याचा आरोप करून गाडे मंगळवारी (ता.१७) दुपारी चार वाजता रुग्णालयाच्या आवारात आले. त्यांनी ऑक्सिजन सिलेंडर वाहतूक करणारे गाडीचालक अशोक खेडेकर, सुरक्षारक्षक स्वप्नील शर्मा यांना धमकावले आणि सिलेंडर उतरविण्यास मज्जाव केला.
त्यानंतर गाडेने रुग्णालयाच्या आवारात गोंधळ घातला तसेच रुग्णालयाच्या इमारतीवर दगडफेक केली. सरकारी कामात अडथळा आणणे, तसेच रुग्णालयात गोंधळ घालून तोडफोड केल्याप्रकरणी गाडे याला अटक करण्यात आली. गुन्हे शाखेचे पोलिस निरीक्षक प्रकाश पासलकर तपास करत आहेत.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.