पुणे : केवळ बैलांअभावी शेती कसण्यापासून कोणीही शेतकरी मागे राहू नये, या उद्देशाने आता बैलजोडी खरेदीसाठी अनुदान उपलब्ध करून देण्याचा निर्णय पुणे जिल्हा परिषदेने घेतला आहे. यानुसार जिल्ह्यातील शेतकऱ्यांना पन्नास टक्के अनुदानावर बैलजोडी खरेदी करता येणार आहे.

- बातम्या ऐकण्यासाठी डाऊनलोड करा ई-सकाळचे ऍप

यासाठी जिल्हा परिषदेच्या अर्थसंकल्पात ३० लाख रुपयांची तरतूद करण्यात आली असल्याचे जिल्हा परिषदेचे कृषी व पशुसंवर्धन सभापती बाबूराव वायकर यांनी सांगितले.                

- देशात तीन मे पर्यंत 'या' 13 सेवा राहणार बंद...

जिल्ह्यातील विविध बँका बैलजोडी खरेदीसाठी कर्ज उपलब्ध करून देत असतात. शिवाय राज्याच्या पशुसंवर्धन विभागामार्फतही बैलजोडी खरेदीसाठी अनुदान देण्याची योजना आहे. मात्र, छोट्या शेतकऱ्यांना याचा लाभ मिळत नाही. त्यामुळे हा घटक अनेकदा वंचित राहत आहे. शिवाय संबंधित शेतकऱ्याकडे बैलजोडी खरेदीसाठी आर्थिक बळही नसते.

- Digital Exclusive : धीरोदात्त आणि संयमी उद्धव ठाकरे..!

परिणामी, अनेक लहान शेतकऱ्यांची शेती ही केवळ कसण्याअभावी पडीक राहते. यावर मार्ग काढण्यासाठी आणि लहान शेतकऱ्यांना बैलजोडी खरेदी करता यावी, हा या योजनेच्या अंमलबजावणीमागचा जिल्हा परिषदेचा हेतू आहे.

- चक दे इंडिया! सतत विरोधी भूमिका घेणाऱ्या देशांना औषधे पुरवतोय भारत!

यानुसार बैलजोडीची किंमत ७५ हजार रुपये इतकी निश्चित करण्यात आली आहे. यापैकी पन्नास टक्के म्हणजेच ३७ हजार ५०० रुपयांचे अनुदान प्रति शेतकरी दिले जाणार आहे. तसेच या बैलजोडीचा विमाही काढून दिला जाणार आहे.