पुणे : खडकवासला प्रकल्पातील चारही धरणांच्या पाणलोट क्षेत्रात बुधवारी दिवसभरात पावसाने विश्रांती घेतली. दरम्यान, खडकवासला प्रकल्पातील पाणीसाठा 28.97 टीएमसी (99.37 टक्के) झाला आहे. तर, गतवर्षी आजअखेर 28.69 टीएमसी (98.42 टक्के) इतका पाणीसाठा होता.

- पुणे : 'न्यू ऑस्ट्रियन टनेलिंग'पद्धतीनं सुरू झालंय भुयारी मेट्रोचं काम!​

टेमघर 95 टक्के भरले : 
खडकवासला प्रकल्पातील वरसगाव, पानशेत आणि खडकवासला हे तीन धरणे पूर्ण भरली आहेत. टेमघर धरणात 95 टक्के पाणीसाठा आहे. सोलापूर जिल्ह्याला पाणीपुरवठा करणारे सुमारे 54 टीएमसी उपयुक्त पाणीसाठा क्षमता असलेले उजनी धरण मंगळवारी पूर्ण भरले आहे. तर, पुणे शहराला पाणीपुरवठा करणाऱ्या खडकवासला प्रकल्पातील सुमारे पावणेतीन टीएमसी क्षमतेचे टेमघर धरण भरण्यास अजून दोन-तीन दिवसांचा कालावधी लागण्याची शक्यता आहे. 

विसर्गात घट :
खडकवासला धरणातून विसर्ग सध्या एक हजार 712 क्‍युसेक आणि उजवा मुठा कालव्यातून एक हजार 54 क्‍युसेकने विसर्ग सुरू आहे. 

- हॉटेल व्यावसायिकांचे 'वाजले की बारा'; लॉकडाउनच्या नव्या नियमावलीतही परवानगी नाहीच!​

खडकवासला प्रकल्पातील पाणीसाठा टीएमसीमध्ये (कंसात टक्केवारी) :
खडकवासला 1.97 (100)
पानशेत 10.65 (100)
वरसगाव 12.82 (100)
टेमघर 3.52 (95.06) 

- चारित्र्याच्या संशयावरून 'त्याने' पत्नीला पुलावरून नदीत ढकलले; संगमपुलाजवळ घडली घटना​