चास (पुणे) : शासकिय काम व बारा महिने थांब, ही म्हण फार पूर्वीपासून प्रचलीत आहे. मात्र, या म्हणीला फाटा देवून आपले अस्तित्व टिकवून ठेवणारे अवलिया आपल्याला पदोपदी भेटतात व असाच एक अवलिया आहे, खेड तालुक्यातील टोकावडे या गावातील पशुवैद्यकिय अधिकरी डॉ. ज्ञानेश्वर गोरक्षनाथ सिनारे. ते सुमारे तीन किलोमीटरचा घाटरस्ता डोंगरमार्गे पायी जाऊन सेवा देत आहेत. त्यांच्या या कार्याचे कौतुक होत आहे.  

दौंडच्या लेकीने नाव काढलं, नोकरी सांभाळून झाल्या डीवायएसपी

सह्याद्रीच्या डोंगररांगांनी व्यापलेल्या खेड तालुक्याच्या पश्चिम आदिवासी पट्ट्यात वेद्याकिय सेवा, मग ती माणसांसाठी असो वा पाळीव प्राण्यांसाठी, मोठे जिकिरीचे काम आहे. या भागात जवळपास सर्वच शेतकरी शेतीला जोडधंदा म्हणून पशुपालन करत असून, त्यांचा संभाळ करणे म्हणजे कसरत करण्यासारखे आहे. कारण, पावसाळ्यात अतिवृष्टी तर उन्हाळ्यात पाण्यासाठी वणवण असते. याही स्थितीत येथे पशुधन मोठ्या प्रमाणात असून, त्याचे संगोपन केले जात आहे.

सलून दुकाने सुरू करण्याची परवानगी द्या, अन्यथा...

टोकावडे गावाला पशुवैद्यकीय सेवेसाठी जोडलेली परिसरातील सुमारे पंधरा ते वीस किलोमीटर अंतरावरील गावे आहेत. त्यातील बहुतांशी गावे डोंगरावरच वसलेली आहेत. या गावांमधील पशुधनाची जबाबदारी टोकावडे येथील पशुवैद्यकिय कक्षाच्या अख्त्यारीत अर्थातच डॉ. सिनारे यांच्यावर आहे. 

द्राक्ष उत्पादक शेतकऱ्यांसाठी अमोल कोल्हे मैदानात

दरवर्षी पशुवैद्यकिय विभागाच्या वतीने मान्सूनपूर्व जनावरांना फऱ्या व घटसर्प आजारांवर लस दिली जाते. हे काम प्रामुख्याने घरोघरी जाऊन करावे लागते. गेली तीन वर्षांपासून डॉ. सिनारे हे या भागात सेवा देत असून, सगळ्यात महत्वाचे म्हणजे खेड तालुक्याच्या अगदी शेवटच्या टोकाला भिमाशंकर परिसरातील अतिदुर्गम पदरवाडी या गावाला जाण्यासाठी रस्ता नाही की वीज नाही. पण, येथे वीस ते पंचवीस घरांची वस्ती असून, सुमारे ऐंशी ते नव्वद पाळीव जनावरे आहेत. या ठिकाणी जाण्यासाठी सुमारे तीन किलोमीटरचा घाटरस्ता डोंगरमार्गे पायी जाऊन गेल्या तीन वर्षांपासून डॉ. सिनारे हे नियमीत काम करत आहेत. याही वर्षी त्यांनी या ठिकाणी पायी जाऊन तेथील जनावरांना संजीवनी दिली आहे. 

वा रे पठ्ठ्या शाळेसाठी आणला लाखोंचा निधी

येथील कार्यरत असणारे शिव सह्याद्री छत्राचे अध्यक्ष व सामाजिक कार्यकर्ते नंदकुमार गोपाळे, गणेश दिवाळे यांनीही डॉ. सिनारे यांच्या कार्याचे कौतुक केले आहे. तसेच, डॉ. सिनारे यांच्याविषयी तालुका पशुवैद्यकिय अधिकारी डॉ. सिनारे यांच्याविषयी तालुका पशुवैद्यकिय अधिकारी डॉ. के. के. कोहिणकर म्हणाले की, अतिदुर्गम भागात पायी जाऊन केलेली सेवा हि दाद देण्यासारखी असून, त्यांच्या कार्याचे कौतुक करावे तेवढे थोडेच आहे. डॉ. के. के. कोहिणकर म्हणाले की, अतिदुर्गम भागात पायी जाऊन केलेली सेवा हि दाद देण्यासारखी असून, त्यांच्या कार्याचे कौतुक करावे तेवढे थोडेच आहे. 

पुण्याच्या इतर बातम्या वाचण्यासाठी येथे क्लिक करा 

याबाबत डॉ. सिनारे यांनी सांगितले की, लसीकरणाला जाताना निर्सर्गाचा आनंद लुटता येतो. उंच डोंगराच्या कुशीत वसलेल्या या पदरवाडीत निसर्गाने भरभरून दिले असले, तरी येथील नागरिकांचे पुनर्वसन होणे गरजेचे असून, त्यांना कोणत्याच सोयीसुविधा आज सहज उपलब्ध होत नाहीत.