पिंपरी : पिंपरी-चिंचवड शहरातील अनेक किरकोळ दुकानांमध्ये खाद्यतेल, मूगडाळ, मसूरडाळ, शेंगदाणे, रवा, मसाले आदींची कमतरता निर्माण झाली आहे. त्यामुळे, विशेषतः खाद्यतेल, शेंगदाणे याच्या किंमती वाढल्या आहेत. 

- बातम्या ऐकण्यासाठी डाऊनलोड करा ई-सकाळचे ऍप

शहरात मध्य प्रदेश, गुजरात येथून गहू तर आंध्र प्रदेश, कर्नाटक येथून तांदुळाची मुख्यत्वे आवक होते. त्याचप्रमाणे, जालना, कुरकुंभ येथून खाद्यतेल विक्रीसाठी आणले जाते. सध्या त्यांच्या आवकीवर परिणाम झाला आहे. 

आळंदी रोड येथील किराणा मालाचे किरकोळ विक्रेते बाळूशेठ कटारिया म्हणाले, "सध्या मूगडाळ, शेंगदाणे, रवा, मसाले, मसूर डाळ यांचा थोडाफार तुटवडा निर्माण झाला आहे. शेंगदाणे यांची किंमत वाढून ११० रुपयांहून १४० रूपये प्रतिकिलो या भावाने विक्री केली जात आहे. खाद्य तेलाच्या १५ लिटर्सच्या डब्यामागे साधारणत : ५० रूपये वाढले आहेत.

- 'तबलिगी जमात'मध्ये आले होते ४१ देशांचे नागरिक; ९६० जणांची यादी जाहीर!

परराज्यातील गव्हाची आवक कमी झाली आहे. मात्र, तांदळाची आवक बरीचशी सुरळीत चालू आहे. मात्र, रवा, मसाले, बिस्किटे मिळणे अवघड झाले आहे. घाऊक व्यापारी यांच्याकडे बराचसा माल शिल्लक नाही.परंतु, राज्यात लॉकडाऊन जाहीर झाल्यानंतर बहुतेक लोकांनी किराणा मालाची जादा खरेदी केली आहे. त्यामुळे, बाजारात पूर्वी इतकी गर्दी राहिली नाही."

- Lockdown: शाहरुख खानने केली ट्रोलर्सची बोलती बंद, ही पहा मदतीची भलीमोठी यादी...

पिंपरी चिंचवड किराणा माल घाऊक व्यापारी संघटनेचे अध्यक्ष श्याम मेघराजानी म्हणाले, "मध्यप्रदेशमधील गहू आणि आंध्रप्रदेश, कर्नाटक राज्यातील तांदळाची आवक कमी झाली आहे. खाद्यतेल कंपन्यांकडे पॅकिंगसाठी कामगार कमी पडत आहेत. त्याचा परिणाम तेलाच्या आवकेवर झाला आहे. मात्र, डाळींची आवक व्यवस्थित होत आहे. येत्या ३ ते ४ दिवसांत परिस्थिती बदलेल."

- Coronavirus : आता पंतप्रधान मोदींनी केलं नवं आवाहन; ५ एप्रिलला...

"बाहेरील राज्यामधून येत असलेल्या किराणा मालाच्या आवकीवर थोडा फार परिणाम झाला आहे. पूर्वी ८ ते ९ गाड्या माल येत होता.आता ५ ते ६ गाड्यांची आवक झाली आहे. घाऊक बाजारात किराणा मालाचे भाव जवळपास स्थिर आहेत."
- राजू शिंदे, प्रमुख, पिंपरी उपबाजार कृषी उत्पन्न बाजार समिती.