पुणे : मंगळाची मकर राशीत शनि आणि फ्लूटो सोबत झालेली युती जगावर कोरोनाचे गूढ संकट घेऊन आली. ही परिस्थिती २१ मेपासून हळूहळू कमी होईल, पण बिघडलेली आर्थिक घडी बसवण्यासाठी ऑगस्टपर्यंत वाट पहावी लागेल, असे भाकीत ज्योतिषांनी केले आहे.

हेही वाचा > चोवीस तास बंदोबस्त असूनही 'त्याने' मारली शाळेतून दांडी?...धक्कादायक प्रकार

कोरोनाने संपूर्ण जग हादरले आहे. आत्तापर्यंत हजारो बळी या महामारीने घेतले आहेत. या संकटावर मात करण्यासाठी एका बाजूला शास्त्रज्ञ, वैद्यकशास्त्र रात्रंदिवस प्रयत्न करीत असताना ज्योतिषीही त्यावर अभ्यास करीत आहेत. 

हे संकट कधी दूर होईल याचा अंदाजही ज्योतिषांनी वर्तविला आहे.  पुण्यातील ज्योतिष अभ्यासक विजयकुमार स्वामी यांच्या अभ्यासानुसार कोरोनाच्या संकटावर भारत लवकरच मात करेल. ते म्हणाले की, देशात मे महिन्यानंतर कोरोनाचा प्रभाव कमी होताना दिसेल. 20 मे रोजी राहू अद्रा या नक्षत्रातून मृग नक्षत्रात जात असल्याने पृथ्वीवरील नकारात्मक लुप्त विषाणूची शक्ती कमी होईल.

हेही वाचा > धक्कादायक! राजकीय संबंधाचा घेतला गैरफायदा...महिलेवर केला अत्याचार

सध्या शनी-मंगळ या पाप ग्रहांची युती मानवजातीला बाधक ठरल्याचे दिसते. 20 जानेवारी 2020 रोजी शनिचा मकर या वायूत्वाच्या चरराशीत प्रवेश झाला. 8 फेब्रुवारी 2020 रोजी फ्लूटोची  शनि सोबत युती झाली व 22 मार्च रोजी अग्नितत्वाच्या मंगळाची मकर राशीत शनि आणि फ्लूटोसोबत झालेली युती गुढ संकट घेऊन आली. मकर ही रास पृथ्वीतत्वाची असून, शनी पृथ्वी आणि वायूतत्वाचा मारक असल्याने एकूण हवाच प्रदूषित झाल्याचे दिसते. प्रत्येकाला मास्क लावून फिरावे लागत आहे. 20 में नंतर परिस्थिती हळूहळू नियंत्रणात राहील आणि 17 ऑगस्टनंतर देशाच्या अर्थकारणाला गती मिळेल. 

"22 मार्च ते 3 मे याकाळात मंगळ आणि फ्लूटो, शनीची युती होती म्हणून भारताला सर्वात जास्त त्रास सहन करावा लागला. 29 जूनला गुरुमहाराज धनु राशीत येणार असल्याने संकटाचे मळभ दूर होईल, अशी ग्रहस्थिती दर्शवते. "

हेही वाचा > धक्कादायक! राजकीय संबंधाचा घेतला गैरफायदा...महिलेवर केला अत्याचार

ग्रहस्थिती बदलेपर्यंत प्रत्येकाने नियमांचे पालन करुनच काम करायला हवे. मास्कचा वापर, सुरक्षित अंतर, स्वच्छतेची काळजी ही पथ्ये पाळली तर संकटाच्या या काळातून सुरक्षितपणे बाहेर पडणे शक्य होईल, असेही विजयकुमार स्वामी यांनी स्पष्ट केले.