Crime sakal
पुणे

अल्पवयीन मुलीवर ६ जणांकडून दोन अडीच महिने लैंगिक अत्याचार

तीन संशयित आरोपींना खेड पोलिसांनी अटक केली असून त्यांना १४ तारखेपर्यंत पोलीस कोठडी सुनावण्यात आली आहे.

सकाळ वृत्तसेवा

राजगुरुनगर : खेड तालुक्यातील एका गावातील सातवीत शिकणाऱ्या १२ वर्ष वयाच्या अल्पवयीन मुलीवर ६ जणांनी धमकावून दोन ते अडीच महिने बलात्कार व लैंगिक अत्याचार केल्याची घटना मे ते ऑगस्ट महिन्यादरम्यान घडली. यातील तीन संशयित आरोपींना खेड पोलिसांनी अटक केली असून त्यांना १४ तारखेपर्यंत पोलीस कोठडी सुनावण्यात आली आहे.

खेड पोलीस ठाण्याचे पोलीस निरीक्षक सतीश गुरव यांनी दिलेल्या माहितीनुसार, एका गावातील अल्पवयीन मुलगी शाळा बंद असल्याने घरी होती. दरम्यान तिच्या मोठ्या बहिणीच्या बाळंतपणानंतर झालेल्या बाळास डोक्याचा आजार झाल्याने रूग्णालयात ठेवावे लागले. म्हणून बहिण व बाळासोबत, मुलीच्या आईसही एक ते दीड महिना रूग्णालयात थांबावे लागले. त्या काळात मुलगी धुणे धुण्यासाठी नदीवर जायची. तेव्हा संशयित आरोपींपैकी एकाने धमकावून डीजेच्या गाडीत नेऊन तिचा विनयभंग केला. त्यानंतर एके दिवशी दुसऱ्याने धमकावून त्याच ठिकाणी बलात्कार केला. इतरांपैकी एकेकाने त्या ठिकाणी आणि अन्य ठिकाणी तिला एकटीस गाठून २७ मे ते १५ ऑगस्टच्या दरम्यान बळजबरीने बलात्कार केला. तिला व घरच्यांना मारण्याची धमकी देऊन हे कृत्य करण्यात आले.

हा प्रकार मुलीच्या नातेवाईक महिलेस समजल्यावर तिने मुलीच्या आईस सांगितला. आईने मुलीस विश्वासात घेऊन विचारल्यावर मुलीने हकीकत सांगितली. त्यानंतर पीडितेच्या आईने खेड पोलिस ठाण्यात ६ जणांविरुद्ध फिर्याद दिली. या फिर्यादीवरून खेड पोलिसांनी सोन्या घुमटकर, आकाश शिंदे, परेश ढमाले, अवधूत कानसे, साईनाथ मुळूक, सूरज रोडे ( सर्व रा. चास, ता. खेड ) यांच्यावर बलात्कार व बाल लैंगिक अत्याचार प्रतिबंधक कायद्यानुसार गुन्हा दाखल केला आहे. त्यांच्यापैकी तीन संशयित आरोपींना, पोलिसांनी अटक केली असून तीन आरोपी फरार आहेत. या घटनेचा अधिक तपास साहाय्यक पोलीस निरीक्षक वर्षाराणी घाटे करीत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT