पुणे : साईबाबा यांच्या जन्मभूमीवरून निर्माण झालेल्या गैरसमजातून शिर्डीच्या ग्रामस्थांनी पुबंद पुकारल्याने भाविकांची गैरसोय होणार आहे. त्यामुळे हा बंद स्थगित करावा. येत्या आठवड्याभरात मुख्यमंत्री उद्धव ठाकरे हे शिर्डी आणि पाथरीतील प्रमुख प्रतिनिधींशी चर्चा करून यावर समतोल तोडगा काढतील, असे आवाहन विधान परिषदेच्या उपसभापती नीलम गोऱ्हे यांनी केले आहे.
मुख्यमंत्री उद्धव ठाकरे हे मराठवाड्याच्या दौऱ्यावर असताना त्यांनी साईबाबांचे जन्मस्थळ म्हणून परभणी जिल्ह्यातील पाथरीच्या विकास आराखड्याचे काम झाले असून लवकरच भूमिपूजन करण्यात येईल अशी घोषणा केली होती. त्यावरून शिर्डीतील ग्रामस्थांनी आंदोलनाचा पावित्रा घेतला आहे. साईबाबा यांचे जन्मस्थळ पाथरी असल्याचा पुरावा नसतानाही तसा दावा केला जात आहे. यामुळेच शिर्डीच्या ग्रामस्थांनी रविवार (ता. 19) पासून बेमुदत शिर्डी बंदची घोषणा केली आहे.
त्याबद्दल नीलम गोऱ्हे पुण्यात बोलताना म्हणाल्या, मी शिर्डीला गेलेली असताना तेथील ग्रामस्थांची काय भूमीका आहे हे याबाबत मी शुक्रवारी उद्धव ठाकरे यांच्याशी सविस्तर चर्चा झाली होती. आज पुन्हा ग्रामसभेत बंदचा निर्णय झाल्यानंतर पुन्हा उद्धव ठाकरे यांच्याशी चर्चा केली. त्यात त्यांनी शिर्डी आणि पाथरी येथील प्रतिनिधींशी स्वतंत्र चर्चा करून यावर समतोल विचाराने योग्य तो तोडगा काढला जाईल.
शिर्डी आणि पाथरीच्या नागरिकांवर अन्याय होणार नाही. साईबाबा यांनी श्रद्धा आणि सबुरीचा जगाला संदेश दिला आहे. त्यामुळे गैरसमजातून भाविकांना त्रास होईल, असा कोणताही निर्णय न घेता, बंदला स्थगिती द्यावी, असे मुख्यमंत्री ठाकरे यांनी सांगितल्याचे डॉ. नीलम गोऱ्हे यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.