औंध : बोपोडी येथे दोन व चिखलवाडी येथील एकाच कुटूंबातील चार अशा एकूण सहा व्यक्तींना कोरोनाची लागण झाल्याचे आढळून आल्याने औंध क्षेत्रिय कार्यालयांतर्गत रुग्ण संख्या वाढली आहे.

- हिंजवडी पोलिसांच्या 'त्या' मेसेजमुळे बांधकाम व्यावसायिकांमध्ये परसली घबराट 

बोपोडी येथील वयोवृद्ध रुग्ण रुबी हाॅल  रुग्णालयात कोरोनावर उपचार घेत आहे. तर चिखलवाडी येथील चौघांनाही बालेवाडीतील निकमार वसतिगृहात उपचारार्थ हलवण्यात आले आहे. बोपोडीतील संबंधित रुग्णाची अगोदरच ह्रदय शस्त्रक्रिया झालेली असून दम्याचा त्रास आहे. त्यांना त्रास जाणवू लागल्याने तपासणी केली असता कोरोनाची लागण झाल्याचे आढळून आले आहे.

दरम्यान, त्यांच्या घरातील व शेजारच्या एकूण बारा जणांचे स्वॅब तपासणीसाठी पाठवण्यात आले आहे. तर  बोपोडीतीलच एका अठ्ठावीस वर्षीय चालकाला कोरोना झाल्याचे निष्पन्न झाल्याने त्याच्या घरातील सहा जणांची तपासणी करण्यात आली असून, अहवाल येणे बाकी आहे. तर या चालकाला उपचारासाठी कै. द्रौपदाबाई खेडेकर रुग्णालयात दाखल करण्यात आल्याचे परिमंडळ  वैद्यकीय अधिकारी डॉ. गणेश डमाळे यांनी सांगितले.

- शाळा सुरु झाल्यावर मुलांचे कसे होणार? पालकांनो, चिंता करु नका कारण...

तसेच चिखलवाडी येथील कुटूंबात एका वयोवृद्ध महिलेला कोरोनाची लागण झाली होती. त्याच कुटूंबातील पंधरा जणांची बोपोडीतील कै. द्रौपदाबाई खेडेकर रुग्णालयात स्वॅब तपासणी केली असता पंधरा पैकी चार जणांना कोरोनाची लागण झाल्याचा अहवाल प्राप्त झाला आहे. यात एक महिला व एक पुरुष अशा दोन ज्येष्ठ तर दोन वीस वर्षाच्या आतील मुलींचा समावेश आहे.

पुण्याच्या बातम्या वाचण्यासाठी येथे ► क्लिक करा

क्षेत्रिय कार्यालयांतर्गत सध्या एकूण बारा रुग्णांची नोंद झाली असून सात जणांवर उपचार सुरू असून पाच जणांनी कोरोनावर यशस्वी मात केली आहे. औंध क्षेत्रिय कार्यालयांतर्गत रुग्ण संख्या वाढत असतांना सर्वांनी नियमांचे पालन करुन  कोरोनाचा सामना करण्यासाठी आपली व आपल्या कुटूंबाची काळजी घेऊन या संकटावर मात करण्यासाठी प्रशासनाला सहकार्य करावे   असे आवाहन सहाय्यक आयुक्त जयदीप पवार यांनी केले आहे.