डॉ. डी. वाय. पाटील रिसर्च महाविद्यालयाचे सर्वेक्षणातील निष्कर्ष; 80 टक्के नागरिक जागरूक
पिंपरी - डॉ. डी. वाय. पाटील इन्स्टिट्यूट ऑफ फार्मास्युटिकल सायन्सेस ऍण्ड रिसर्च महाविद्यालयाने कोरोनाबाबतची जागरूकता व जीवनशैलीवरील परिणाम यांचे विश्‍लेषण करण्यासाठी राष्ट्रीय स्तरावर सर्वेक्षण केले. त्यात 80 टक्के नागरिक कोरोना साथीबाबत जागरूक असून, वीस टक्के नागरिक मात्र अनभिज्ञ असल्याचे निदर्शनास आले आहे.

ताज्या बातम्यांसाठी डाऊनलोड करा ई-सकाळचे ऍप

जागतिक आरोग्य संघटनेने ( WHO ) कोरोनाच्या साथीच्या विविध पैलूंशी संबंधित सर्वेक्षण करण्यासाठी मार्गदर्शक सूचना दिल्या आहेत. त्याचा संसर्ग रोखण्यासाठी केलेली "देशव्यापी टाळेबंदी व बंधने' यावर भारतीयांमध्ये असलेली जागरूकता व परिणाम याबाबत ऑनलाइन सर्वेक्षण केले. एथिक्‍स समितीच्या मार्गदर्शक तत्त्वांनुसार शिक्षक व विद्यार्थ्यांच्या दहा जणांच्या पथकाने त्यात सहभाग घेतला. दहा दिवसांच्या कालावधीत एक हजार 717 इच्छुकांचे मते जाणून घेण्यात आली. कर्नाटक, तमिळनाडू, गुजरात, मध्य प्रदेश, राजस्थान, केरळ व महाराष्ट्रातील नागरिकांचा समावेश होता.

पुण्याच्या बातम्या वाचण्यासाठी येथे क्लिक करा 

संख्याशास्त्रीय प्रतिसादानुसार 49.35 टक्के मते 20 ते 30 वयोगटातील तर पदव्युत्तर पदवी शिक्षण घेतलेले 37. 8 टक्के व 35 टक्के नोकरदार अशी वर्गवारी करण्यात आली. कोरोनासंबंधी आरोग्य व्यवस्थेतील महत्त्वाचा घटक "फार्मासिस्ट' सर्वसामान्यांना समुपदेशनात तत्पर आहेत, असे 53. 8 टक्के मिळालेल्या प्रतिक्रियेमधून स्पष्ट झाले.

पुण्यात कोरोनाबाधितांवर होणार प्लाझ्मा थेरपीचा प्रयोग? प्लाझ्मा फोरेसेस मशीन ससून रुग्णालयात

सद्यःस्थितीत कोरोनाबद्दलची ऑनलाइन विविध माध्यमांमधील माहिती, उपचार, प्रतिबंधक औषधे अशा विविध गोष्टींमुळे लोकांच्या मानसिक आरोग्यावर परिणाम होत आहेत. त्यानुसार सुमारे 80 टक्के लोक चिंताग्रस्त असल्याचा निष्कर्ष या सर्वेक्षणातून निघाल्याचे प्राचार्य डॉ. सोहन चितलांगे यांनी सांगितले.

टाळेबंदीतील समस्या
- वस्तूंच्या किमतीत अनावश्‍यक वाढ - 36 टक्के
- मास्क व सॅनिटायझरची अनुपलब्धता - 19.8 टक्के
- अनावश्‍यक खरेदीमुळे मर्यादित पुरवठा - 19.8 टक्के
- वर्क फॉर्म होममधून येणाऱ्या अडचणी - 15.7 टक्के
- वाहतुकीअभावी घरी थांबणे - 9.8 टक्के
- चिंता, काळजी - 18.9 टक्के
- बेरोजगारी - 15. 5 टक्के
- औषधांची अनुपलब्धता - 8. 7 टक्के
- आवश्‍यक वस्तूंची अनुपलब्धता - 23.2 टक्के

जीवनशैलीतील बदल
- "क' जीवनसत्त्वाच्या फळांचे अतिरिक्त सेवन - 65.6 टक्के
- हळद, लसूण, धने, जिरे यांचा वाढता वापर - 56.7 टक्के
- ठराविक कालांतराने गरम पाणी पिणे - 70.8 टक्के
- मांसाहार वर्ज्य - 35.2 टक्के
- होमिओपॅथी औषधांचा वापर - 4.1 टक्के
- योगासने, प्राणायाम, चिंतन - 28 टक्के
- हर्बल, ग्रीन चहाचा वापर - 23.2 टक्के