पुणे, :आपल्या लहान मुलींना भेटून बरेच दिवस झालेत. त्यांची आठवण येते, म्हणून फोनवरुन बोलणे होते; परंतु मायेची गळाभेट मात्र होत नाही. मुलींना भेटायचे आहे, कुटुंबियांसमवेत आपल्या हक्काच्या घरात रहायचे आहे. पण, मायेपेक्षा कर्तव्य मोठं म्हणून काळजावर दगड ठेवून ही 'माय' कोरोनाचा संसर्ग झालेल्या  रूग्णांच्या आरोग्य सेवेचे कर्तव्य बजावत आहे.

- बातम्या ऐकण्यासाठी डाऊनलोड करा ई-सकाळचे ऍप

पुण्याच्या इतर बातम्या वाचण्यासाठी येथे ► क्लिक करा 

दोन लहान मूलींची आई असणाऱ्या माधवी जगताप भारती हॉस्पिटलमध्ये कोरोनाग्रस्तांवर उपचारासाठी असलेल्या स्वतंत्र वॉर्डमध्ये  नर्सिंग इन्चार्ज म्हणून काम पाहत आहेत. ही आई एकच आर्त साद घालतीय; ती म्हणते, "आम्ही तुमच्या सेवेसाठी कायम सज्ज आहोत. दिवसरात्र मेहनत करत आहोत. पुणेकरांनो, काही दिवसांचाच तर प्रश्न आहे. घराबाहेर पडू नका.पोलिस, डॉक्टर यांना सहकार्य करा आणि कोरोनाचा संसर्ग रोखा." 

पुण्यात गोंधळ; कोरोनाबाधित आणि तपासणीला आलेले एकाच ठिकाणी

गेल्या दोन वर्षांपासून जगताप या येथे काम करत आहेत. टिंगरेनगरमध्ये राहणाऱ्या जगताप सध्या भारती हॉस्पिटलमधील परिचारिकांच्या वसतिगृहात राहत आहेत. त्यामुळे आपल्या लहान मुलींना (१० आणि १२ वर्षाच्या) भेटणे त्यांना अशक्य होत आहे.

फ्लूची लक्षण आहेत? घाबरू नका, पिंपरीत पालिकेनं केलीय सोय!

"कोरोनाग्रस्तांच्या वॉर्डमधील परिचारिकांची राहण्याची सोय वसतिगृहात केली आहे. गेल्या काही दिवसांपासून आम्ही तिथेच राहत आहोत. पंधरा दिवस काम आणि पंधरा दिवस वसतिगृहात मुक्काम असे आमचे वेळापत्रक आहे. त्याप्रमाणे काम सूरू असल्याने निदान महिनाभर तरी घरापासून लांब रहावे लागणार आहे. कोरोनाग्रस्तांवरील उपचारासाठी स्वतंत्र वॉर्ड असून त्यात चार गटात प्रत्येकी ३०  कर्मचारी काम करत आहेत," असे जगताप यांनी सांगितले.

पिंपरी-चिंचवडमधील आणखी एक तरुण...

कोरोनाचे रुग्ण असणाऱ्या वॉर्डमध्ये एकदा पीपीई किट घातले की ते ड्यूटी संपल्याशिवाय काढता येत नाही. म्हणून आम्ही परिचारिकांच्या सहा-सहा तासांच्या कामाचे वेळापत्रक बनविले आहे. किट घातल्यानंतर पाणी पिणे, वॉशरूमचा जाणे अशक्य असते. त्यामुळे सकाळच्या वेळेत काम करणाऱ्या परिचारिका नाश्ता, पाणी पिणे आणि वॉशरूमचा जाणे ही कामे पूर्ण करतात. त्यानंतर पीपीई किट परिधान करून काम करतात. असेच संध्याकाळी काम करणाऱ्या परिचारिकांचे वेळापत्रक आहे. त्याशिवाय रुग्णांच्या नातेवाईकांना मानसिक आधार देण्याची महत्त्वाची भूमिका परिचारिका निभावत आहेत, असेही जगताप यांनी अधोरेखित केले.

Coronavirus : पुणेकरांनो इकडे लक्ष द्या; कोरोनाग्रस्तांचा आकडा वाढतोय.

कामाचे स्वरूप: 
- कोरोनाग्रस्तांवरील उपचारासाठी आवश्यक उपकरणे उपलब्ध करून देणे
- वॉर्डमध्ये लागणाऱ्या वस्तुंची सोय पहाणे
- परिचारिकांना प्रोत्साहन देणे
-  रुग्ण, त्यांचे नातेवाईक व कर्मचारी समुपदेशन करण

लॉकडाऊनमध्ये विभक्त पालक अन् मुलांमध्ये वाढतोय दुरावा; मुलांशी बोलता यावे म्हणून पालक न्यायालयात

लहान मूली करतायेत स्वयंपाक
"सध्या कोरोनाग्रस्तांवरील उपचार आणि सेवेत माझा सहभाग असल्याने कुटुंबियापासून लांब रहावे लागत आहे. घरामध्ये माझ्या दोन लहान मूली (१२ आणि १० वर्ष) आहेत. सासू-सासरे वयोवृद्ध असल्याने माझ्या मूली आपल्या वडिलांच्या मदतीने स्वयंपाकाचे पहिले प्रयोग, घरातील इतर कामे करत आहेत. "
- माधवी जगताप, नर्सिंग इन्चार्ज, भारती हॉस्पिटल