Omkar_Bane_HSC_Student 
पुणे

HSC Result 2020 : दिवसभर काम अन् रात्री शाळेत अभ्यास करत बनला 'टॉपर'!

सकाळ वृत्तसेवा

पुणे : प्रतिकूल परिस्थितीतून मार्ग काढण्यासाठी, घरातल्यांना हातभार लागावा, यासाठी दिवसरात्र कष्ट करत रात्र प्रशालेत शिक्षण घेणाऱ्या विद्यार्थ्यांनी बारावीच्या परीक्षेत उल्लेखनीय कामगिरी केली आहे. आता या निकालानंतर उच्च शिक्षणात भरारी घेण्यासाठी या विद्यार्थ्यांनी तयारी सुरू केली आहे. सरस्वती विद्या मंदिर संस्थेच्या पूना नाइट हायस्कूल आणि श्रीमंत दगडूशेठ हलवाई सार्वजनिक गणपती ट्रस्ट ज्यूनिअर कॉलेजच्या वाणिज्य शाखेचा निकाल ८१.४२ टक्के लागला आहे.

मुळचा रत्नागिरी जिल्ह्यातील संगमेश्वर निवळी येथील ओंकार बने हा दहावीनंतर पुण्यात आला. त्याने रात्र शाळेत पुढील शिक्षणाला सुरवात केली. पुणे-सातारा रस्त्यावरील एका खासगी कार्यालयात ऑफिस बॉयचे काम करत-करत त्याने अभ्यास सुरू ठेवला. घरातल्यांना हातभार लागावा, म्हणून ओंकार दिवसरात्र अथक परिश्रम घेत आहे. त्याचबरोबर त्याने वाणिज्य शाखेत ७९.८४ टक्के गुण मिळवित शाळेत अव्वल स्थान पटकाविले आहे.

स्वारगेट तेथील खासगी कंपनीत दिवसभर टेली कॉलरचे काम करण्याऱ्या पल्लवी जाधव हिने ७३ टक्के गुणांसह शाळेत दुसरा क्रमांक पटकाविला आहे. ती म्हणते, "माझी आई हाऊस किपिंगचे काम करते, आम्ही तीन भावंड आहोत. घर चालविण्यासाठी आईला थोडीफार मदत करणे शक्य होते, याचे समाधान आहे."

रात्र शाळेत आठवीपासून शिक्षण घेणाऱ्या चिन्मय मोकाशी या दिव्यांग विद्यार्थ्यांने ७४.६१ टक्के गुण मिळविले आहेत. या विद्यार्थ्यांना महाविद्यालयाचे प्राचार्य अविनाश ताकवले यांनी मार्गदर्शन केले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mohan Bhagwat: ७५ वर्षांसंबंधीचं 'ते' विधान भागवतांनी नेमकं का केलं? संघाकडून स्पष्टीकरण, विरोधकांचा मोदींवर रोख

Manchar News : काय सांगता! वृद्ध महिलेचे घरच गेले ‘चोरीला’; न्यायासाठी धावपळ सुरू

Latest Marathi News Updates : नाशिक जिल्हा परिषदेतील उपमुख्य कार्यकारी अधिकारी निलंबित

Palghar News: वसई-विरारमध्ये नालासोपाऱ्यात अमली पदार्थांचा पर्दाफाश, 12 आरोपी अटक

IND vs ENG 3rd Test: 'चेंडू'वरून रामायण! शुभमन गिलचं वाद घालणं चुकीचं नव्हतं; अम्पायरने काय केले, ते वाचाच...

SCROLL FOR NEXT