पुणे- स्वाभिमानी शेतकरी संघटनेचे प्रमुख तथा माजी खासदार राजू शेट्टी यांची प्रकृती बिघडल्यामुळे पुण्यातील दीनानाथ मंगेशकर रुग्णालयात दाखल करण्यात आले आहे. अचानक रक्तदाब वाढल्याने त्यांना उपचारासाठी रुग्णालयात दाखल करण्यात आले. त्यांची प्रकृती स्थिर असून काळजीचे कारण नसल्याचे सांगण्यात आले आहे. 

राजू शेट्टी यांनी नुकताच कोरोनावर मात करुन पुन्हा सार्वजनिक कामास सुरुवात केली आहे. त्यांना 9 सप्टेंबर रोजी कोरोनावरील उपचारासाठी रुग्णालयात दाखल करण्यात आले होते. कोरोनावर मात केल्यानंतर त्यांनी काही दिवस घरी विश्रांती घेतली होती.

हेही वाचा- ज्योतिरादित्य शिंदेंना 'गद्दार' म्हटल्यानंतर सचिन पायलटांनी दिली प्रतिक्रिया

अतिवृष्टीनंतर त्यांनी राज्यभरात दौरा करून पिकांची पाहणी करून शेतकऱ्यांना प्रती हेक्‍टरी 50 हजार रुपये नुकसान भरपाईची अशी मागणी केली होती. दिल्ली दौऱ्यावरुन बुधवारी सकाळी ते पुणे येथे दाखल झाले होते. 

हेही वाचा- नोटबंदीनंतरची प्राप्तिकर विभागाची मोठी कारवाई, कोट्यवधींची रोकड जप्त

सकाळी त्यांचा रक्तदाब वाढल्याने आणि दम लागत असल्यामुळे त्यांनी डॉक्टरांची भेट घेतली. त्यांची तपासणी केल्यानंतर डॉक्टरांनी त्यांना रुग्णालयात दाखल होण्याचा सल्ला दिला.