पुणे : लोहगावची जत्रा कोरोनामुळे रद्द झाल्याने आकाश पाळणा व इतर खेळण्या घेऊन आलेल्या व्यवसायिकांच्या खेळणीचे चक्र फिरण्यापूर्वीच बंद पडले. त्यांचा जवळ असेलेला पैसा ही संपला. त्यांचे होणारे हाल बघून टँकरचालकाने स्वत: तीन कुटूंबातील १२ जणांची जबाबदारी घेऊन त्यांच्या रोजच्या जेवणाची व्यवस्था केली आहे.उमेश पाटील असे या टँकरचालकाचे नाव आहे.

ताज्या बातम्यांसाठी डाऊनलोड करा ई-सकाळचे ऍप

१७ मार्च रोजी लोहगावचे ग्रामदैवत मानले जाणारे जगदगुरु संत तुकाराम महाराज यांचा उत्सव असतो. त्यानिमित्त मोठी जत्रा भरते. त्यासाठी अनेक खेळणी, वस्तू विक्रेते दाखल होतात. जत्रेत मोठे आकाश पाळणे, कोलंबो जहाज, ड्रॅगन यासारखे मोठी खेळणी उभारण्याचे काम सांगोला तालुक्यातील वेडेगाव येथील व्यवसायिक करत होते. 

Video : आठ बाय आठ फुटांच्या खोलीत, कसं पाळायचं डिस्टंसिंग?

जत्रा सुरू व्हायच्या आधी पुण्यात कोरोनाचे संकट गडद होत असल्याने ग्रामस्थांनी जत्रा रद्द करण्याचा निर्णय घेतला. त्यामुळे या व्यावसायिकांवर मोठे संकट निर्माण झाले. 
त्यांनी फिटिंग केलेली मोठी खेळणी उतरविण्याचे काम सुरु केले, पण तो पर्यंत लाॅकडाऊन जाहीर झाल्याने सुमारे ४० जण अडकून पडले. त्यातील काही जण कसेबसे गावाकडे निघून गेले. मात्र ही अवाढव्य खेळणी नेण्यासाठी ट्रक मिळत नसल्याने त्यांचा सांभाळ करण्यासाठी तीन कुटुंब लोहगावातच थांबली. त्यांची खाण्यापिण्याची गैरसोय होत असल्याचे लक्षात आपल्याने उमेश पाटील यांनी या कुटुंबांची व्यवस्था केली, त्यांना रहाता यावे यासाठी मोकळ जागा दिली. गेले महिनाभर ते या कुटूंबांना सांभाळत , पण लाॅकडाऊन संपत नसल्याने त्यांना भविष्यात मदत कशी करायची हा प्रश्न निर्माण झाला आहे. 

Coronavirus : पुण्यातून कोरोनाचा होऊ शकतो नायनाट; पण...

"गेले महिनाभर पदरमोड करून तर कधी मदत जमवून १२ जणांची जेवणाची व्यवस्था केली. लाॅकडाऊन अाणखी वाढण्याची शक्यता आहे, त्यामुळे अडचणी वाढत आहेत. जत्रा रद्द झाल्याने या व्यवसायिकांचे मोठे नुकसान झाले आहे. त्यांच्याकडे आता पैसा नाही. त्यामुळे यांना मदत होणे आवश्यक आहे."
- उमेश पाटील, लोहगाव

पुण्याच्या इतर बातम्या वाचण्यासाठी येथे क्लिक करा