पुणे - नगर रस्त्यालगत भर रस्त्यावर टेम्पोने अचानक पेट घेतल्याने खळबळ
शिरूर - शिरूर शहराबाहेरून जाणा-या (बायपास) पुणे - नगर रस्त्यालगत बो-हाडे मळ्याजवळ भर रस्त्यावर टेम्पोने अचानक पेट घेतल्याने खळबळ उडाली. हा पेटता टेम्पो रस्त्यातच आडवा झाल्याने सुमारे दीड तास या महामार्गावरील वाहतूक विस्कळीत झाली.
- पुण्याच्या बातम्या वाचण्यासाठी येथे ► क्लिक करा
आज (ता. १) सायंकाळी सातच्या सुमारास हा थरार घडला. औषधांची खोकी व बॅरल घेऊन हा टेम्पो पुण्याच्या दिशेने चालला होता. शिरूर बायपासवरून मुख्य महामार्गावर येताच टेम्पोच्या पुढील बाजूने धूर येत असल्याचे जाणवल्याने चालकाने टेम्पो रस्त्याच्या बाजूला घेतला व खाली उतरून बोनेट उघडले असता इंजिनमधील वायरिंगचे शॉर्ट सर्किट होऊन आग लागल्याचे दिसताच त्यांनी मदतीसाठी आरडाओरडा केला. मात्र, याच ठिकाणी थोडा उतार असल्याने टेम्पो मागे घरंगळत जाऊन दूभाजकावर आदळला. त्यावेळी टेम्पोचा पुढील भाग पूर्णपणे ज्वाळांनी वेढला होता. चालकाने पोलिसांना माहिती दिल्यावर पोलिसांनी घटनास्थळी धाव घेऊन स्थानिकांच्या मदतीने पाण्याचा मारा करून आग विझवली. त्यामुळे टेम्पोतील महागडी औषधे वाचली.
दरम्यान, या अपघातानंतर शिरुर नजीक वाहतूक मोठ्या प्रमाणात विस्कळीत झाली. टेम्पो पेटल्याच्या ठिकाणापासून दोन्ही बाजूला वाहनांच्या लांबच लांब रांग लागल्या होत्या. आग विझवल्यानंतर टेम्पो रस्त्यातून बाजूला घेण्यात आला. सुमारे दीड तासानंतर वाहतूक सुरळीत झाली.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.