सासवड (पुणे) : पुरंदर तालुक्यातील बोपगाव या मूळगावी मुंबईहून आलेले एक रसवंती व्यवसायिक रक्तदाब व मधूमेहाच्या त्रासातून दोन दिवसांपूर्वी पुण्यात रुग्णालयात गेले. मात्र, आज त्यांना कोरोनाची बाधा झाल्याचाच अहवाल आला. त्यामुळे तालुक्यातील कोरोनाच्या रुग्णांची संख्या 18 वर पोचली आहे. यातील सात रुग्ण केवळ या एका आठवड्यात सापडले, अशी माहिती तहसीलदार रुपाली सरनौबत यांनी दिली.

पुण्यात सलग आठव्या दिवशी पेट्रोल दरवाढीचा भडका

बोपगावचा हा रुग्ण हात मोडला म्हणून गावाकडे कुटुंबीयांकडे आला. मात्र, रक्तदाब व मधूमेहाच्या त्रासातून रुग्णालयात दाखल झाले; अन् कोरोनाचा शिरकावा पुढे आला. त्यातून बोपगावात संबंधीत भाग कंटेन्मेंट झोन करण्याची कार्यवाही सुरु आहे. कुटुंबिय व संपर्कातील क्वारंटाइन केले आहेत.

पुण्याच्या इतर बातम्या वाचण्यासाठी येथे क्लिक करा

दरम्यान, सासवड शहरात राहणारे व पुणे महापालिकेच्या कोरोना वाॅररुममध्ये सेवा बजावणाऱ्या एका कर्मचाऱ्यास कोरोनाची बाधा झाल्याचे काल स्पष्ट झाले. लक्षणे दिसल्याने त्याचा स्वॅब तपासणीसाठी पाठवून रुग्णास पुण्यातील रुग्णालयातही दाखल केले. त्यामुळे सासवड शहरातील कोरोना रुग्णांची संख्या तीनवर आणि बोपगावसह तालुक्यातील रुग्णांची संख्या 18 वर पोचली आहे. 

लाॅकडाउनमुळे पिकात केला बदल, आज खेळतोय लाखात

तालुक्यासाठीच्या सासवड येथील एका शासकीय कार्यालयाचा वाहनाचा चालक चार दिवसांपूर्वीच कोरोना तपासणी अहवाल पाॅझीटिव्ह आला होता. त्यास पुणे येथे रुग्णालयात दाखल करण्यात आले आहे. मात्र, त्याच्या संबधीत कार्यालयातील 24 जणांचे तपासणी अहवाल निगेटिव्ह आल्याने मोठा दिलासा या कर्मचाऱ्यांना मिळाला आहे.

बारामती पॅटर्नने करून दाखवलं..

मात्र मुंबई कनेक्शनमधील गुरोळी (ता.पुरंदर) गावातील एकाच कुटुंबातील सहाजण कोरोना पाॅझीटिव्ह निघाले. मात्र त्याच कुटुंबातील तीनजण मात्र तपासणीत निगेटिव्ह आल्याने थोडा दिलासा मिळाला आहे.
 दरम्यान, सासवडचा पाॅझीटिव्ह रुग्ण बर्‍यापैकी होम क्वारंटाइन असल्याने जे काही संपर्कातील लोक असतील त्यांची संख्या मर्यादित आहे. एकुण 18 पैकी मुंबई कनेक्शनमधील 13 आणि पुणे कनेक्शनधून 5 रुग्ण येथे सापडले. त्यामुळे या दोन्ही कनेक्शनमधील लोकांबाबत संस्थात्मक किंवा होम क्वारंटाइन बाबत गांभीर्यपूर्वक विचार न केल्यास कोरोनामुक्त तालुका शक्यच होणार नसल्याचे स्पष्ट आहे.