खडकवासला : शहर परिसरातील धरण परिसरात पावसाने जोर धरला आहे. दिवसभर पावसाची रिमझिम सुरू होती. वरसगावला ५४, पानशेत व टेमघरला ५० तर खडकवासला येथे 22 मिलिमिटर पाऊस झाला आहे.

खडकवासला धरणात 1.05 टीएमसी म्हणजे 53.12 टक्के पाणी साठा आहे. पानशेत येथे 3.34 टीएमसी म्हणजे 31.34 टक्के पाणी साठा शिल्लक आहे. वरसगाव मध्ये 2.07टीएमसी म्हणजे 16.17 टक्के पाणीसाठा आहे. टेमघर येथे 0.37टीएमसी म्हणजे 9.95 शिल्लक आहे.

पानशेत वीज केंद्रातून 600 क्युसेक, वरसगाव वीज केंद्रातून 660क्युसेक पाणी सोडलेले आहे. एक हजार 260 क्यूसेक पाणी खडकवासला धरणात जमा होत आहे. सध्या खडकवासला धरणातील कालव्यातून शेतीला सोडले जाणारे पाणी बंद केला आहे. चार ही धरणात मिळून 6.83 टीएमसी म्हणजे 23.42 टक्के एकूण पाणीसाठा शिल्लक आहे.

सर्वाधिक पाऊस मुळशीतील कुंभेरीला

जिल्ह्यातील भोर तालुक्यातील नीरा देवघर ७६, शिरवली७४, आंबेघर ५२,पिंगारी ६१, भाटघर ४०, कुरुंजे ४०, वेल्हे तालुक्यातील वेल्हे येथे ४८, मुळशी तालुक्यातील दासवे ५५, कुंभेरी ९३, टेमघर ४९, मावळ तालुक्यातील पवना ३७, कोले ४२ मिलिमीटर पाऊस झाला आहे.