पुणे : श्‍वानाला फिरायला घेऊन जाणाऱ्या वृद्ध नागरीकाबरोबर वाद घालणाऱ्या मद्यपी टोळक्‍याला माजी आमदार मेधा कुलकर्णी यांनी जाब विचारला. तेव्हा त्या टोळक्याने कुलकर्णी यांना धक्काबुक्की केली. या प्रकरणी कोथरुड पोलिसांनी तिघांना अटक केली आहे. ही घटना शनिवारी (ता.७) सायंकाळी कोथरूडमधील सहजानंद सोसायटी परिसरात घडली होती. 

- विद्यार्थी संघटनेने राज्यपालांकडे मागितली अपॉइंटमेंट; 'या' विषयावर करणार चर्चा!

अमर सयाजी बनसोडे (वय 26 ), विनोद सुरेश गेंदे (वय 26 ), रोहिदास उर्फ तेजस राजेंद्र कांबळे (वय 19, तिघेही रा. गणंजय सोसायटी, कोथरूड) अशी अटक केलेल्या संशयित आरोपींची नावे आहेत. तसेच मिथुन हरगुडे याच्या विरुद्धही गुन्हा दाखल करण्यात आला असून तो पसार झाला आहे. याप्रकरणी एका 34 वर्षीय महिलेने फिर्याद दिली. त्यावरुन आरोपींविरुद्ध मारहाण, धमकावणे आणि विनयभंगाचा गुन्हा दाखल करण्यात आला आहे.

- विनापगार काम करणाऱ्या शिक्षकांना आमदारांनी केले आवाहन; काय ते वाचा सविस्तर!

पोलिसांनी दिलेल्या माहितीनुसार, फिर्यादी महिला एका खासगी कंपनीत मनुष्यबळ व्यवस्थापन विभागात अधिकारी आहे. त्यांचे सासरे शनिवारी सायंकाळी साडेपाच वाजता सहजानंद सोसायटीत त्यांच्या श्‍वानाला घेऊन फिरत होते. त्यावेळी तेथील मोकळ्या जागेत बनसोडे, गेंदे, कांबळे, हरगुडे हे दारु पित बसले होते. त्यांनी फिर्यादीच्या सासऱ्याला श्‍वानाला आमच्या अंगावर सोडतोस काय, असे म्हणत त्यांच्याशी वाद घातला.

त्यानंतर एकाने त्यांना काचेची बाटली व दगड मारला. त्यामुळे ते घाबरू सोसायटीत गेले. त्यानंतर फिर्यादी महिला, राहुल कोल्हे, विलास कोल्हे यांनी टोळक्‍याकडे विचारणा केली. त्यावेळी त्यांनी महिलेस धक्काबुक्की केली.

- चंद्रकांत पाटील चुकीची माहिती पसरवतात तेव्हा...

दरम्यान, तेथून जवळच राहणाऱ्या माजी आमदार कुलकर्णी या आरडाओरडा ऐकून बाहेर आल्या. कोल्हे आणि कुलकर्णी यांनी आरोपींना पकडून जाब विचारला. त्यावेळी झालेल्या झटापटीमध्ये कुलकर्णी यांच्या हाताच्या बोटांना गंभीर दुखापत झाली. या प्रकरणाचा तपास पोलीस उपनिरीक्षक अमोल घोडके करीत आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा