इंदापूर (पुणे) : इंदापूर शहर व तालुक्यात आज कोरोनाचे 3 रुग्ण आढळले असून, ५० जणांच्या घश्यातील द्रावाचे नमुने तपासणीसाठी पाठविण्यात आल्याची माहिती तहसीलदार सोनाली मेटकरी यांनी दिली.
इंदापूर शहरात एक व तालुक्यात दोन कोरोना रुग्ण आढळल्याने प्रशासन व जनतेच्या चिंतेत भर पडली आहे. तालुक्यात तब्बल 11 दिवसात ७ कोरोनाग्रस्त नवीन रुग्ण आढळून आल्याने इंदापूरकरांची चिंता वाढली आहे. आज इंदापूर शहरातील एका 57 वर्षीय पुरुषाचा आणि जंक्शन गावातील एका 35 वर्षीय महिलेचा कोरोना चाचणी अहवाल पाॅझिटिव्ह, तर लाकडी येथे तीन दिवसांपासून आलेल्याचा अहवालदेखील कोरोनाबाधित असल्याचे चाचणीत स्पष्ट झाले आहे. सुरवड येथील एका संशयिताचे नमुने तपासणीसाठी पाठविण्यात आले आहेत.
जंक्शन येथील महिला पुणे येथील बिर्ला रुग्णालयात उपचार घेत असून, तिच्या संपर्कात जंक्शन परिसरातील जवळपास 13 व्यक्ती आल्या आहेत, तर इंदापूर शहरातील रुग्ण पुणे येथील दीनानाथ मंगेशकर रुग्णालयात उपचार घेत असून, त्यांच्या थेट संपर्कात 8 व्यक्तींचा समावेश आहे. या दोन्ही रुग्णांच्या थेट संपर्कात आलेल्या 21 व्यक्तींना इंदापूर कोवीड सेंटरमध्ये ठेवण्याची प्रकिया व त्यांचे स्वॅब घेतले जात असून, त्याचा अहवाल 2 जुलै रोजी येणार असल्याची माहिती उपजिल्हा रुग्णालयाचे प्रभारी वैद्यकीय अधीक्षक डॉ. एकनाथ चंदनशिवे यांनी दिली.
इंदापूर तालुक्यात आता कोरोनाचे एकूण २६ रुग्ण झाले असून, त्यापैकी दोन रुग्णांचा मृत्यू झाला आहे, तर १७ रुग्णांवर यशस्वी उपचार झाले आहेत. पुणे येथे 4, तर मुंबई मधील टाटा रुग्णालयात एकावर उपचार सुरु आहे. इंदापूर कोवीड केअर सेंटरमध्ये एका रुग्णावर, तर बारामतीमधील रुई ग्रामीण रुग्णालयात एका रुग्णावर उपचार सुरु असल्याचे गट विकास अधिकारी विजयकुमार परीट यांनी सांगितले.
इंदापूर शहरातील महतीनगर परिसरात १ कोरोना रुग्ण आढळल्याने हा परिसर नगर परिषदेच्या वतीने सील करण्यात आला असून, येथे पुन्हा निर्जंतुकीकरण करण्यात येत असल्याचे नगरपरिषद मुख्याधिकारी डॉ. प्रदिप ठेंगल यांनी सांगितले. इंदापूर शहर व तालुक्यात कोरोना रुग्ण आढळून आला असला, तरी घाबरून जाऊ नका, घरी रहा व सुरक्षित रहा आणि शासकीय सूचनांचे पालन करा, असे आवाहन सामान्य प्रशासन राज्यमंत्री दत्तात्रेय भरणे व नगराध्यक्षा अंकिता मुकुंद शहा यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.