पुणे : गुन्हेगारी गटातील तरुणांसमवेत दोन वर्षांपूर्वी केलेल्या मारहाणीच्या कारणावरुन तिघांनी सराईत गुन्हेगारावर तीक्ष्ण हत्याराने वार केले. या घटनेत गंभीर जखमी झालेल्या गुन्हेगारावर उपचार सुरू असताना त्याचा मृत्यू झाला. ही घटना पिसोळी येथे शनिवारी दुपारी साडे तीन वाजता ही घटना घडली. कोंढवा पोलिसांनी तिघांना ताब्यात घेतले आहे. 

सागर दादा औताडे (वय 23, रा. औताडेवाडी) असे खून झालेल्या तरुणाचे नाव आहे. याप्रकरणी पुरुषोत्तम मंडावळे (वय 25, रा. उंड्री) याने कोंढवा पोलिस ठाण्यात फिर्याद दिली आहे. त्यावरून पोलिसांनी नारायण टुले याच्यासह त्याच्या दोन साथीदारांना ताब्यात घेतले आहे. 

- पुणे महापालिकेचा भोंगळ कारभार; टेंडर काढलं, पण मर्जीतल्या ठेकेदारांना काम मिळेल असं!​

सहाय्यक पोलिस उपनिरीक्षक स्वराज पाटील यांनी दिलेल्या माहितीनुसार, सागर औताडे हा सराईत गुन्हेगार आहे. त्याची दोन वर्षापूर्वी विरुद्ध गुन्हेगारांच्या गटातील तरुणांसमवेत भांडणे झाली होती. तेव्हा सागरने त्यांना मारहाण केली होती. त्याचा राग गुन्हेगारांमध्ये होता. दरम्यान, सागर हा शनिवारी दुपारी साडे तीन वाजता त्याची दुचाकी घेऊन फिर्यादीच्या गॅरेजमध्ये दुरूस्ती करण्यासाठी आला होता. त्यावेळी तो एकटाच असल्याची संधी साधून पूर्वीच्या मारहाण प्रकरणातील तरुणांनी त्यास गॅरेजमध्ये गाठले. त्यांनी त्यांच्याकडे असणाऱ्या तीक्ष्ण हत्यारांनी सागरच्या शरीरावर आणि डोक्‍यात वार केले. या घटनेनंतर आरोपी तेथून पळून गेले.

- Video : गुरगुरणाऱ्या चीनविरोधात शड्डू; 'एलएसी'वर भारतीय सैन्यासह टी-९० टँक तैनात

स्थानिक नागरिकांनी या घटनेची माहिती कोंढवा पोलिसांना दिली. त्यानंतर पोलिस आणि स्थानिक नागरिकांनी त्यास उपचारांसाठी रुग्णालयात दाखल केले. त्याच्यावर उपचार सुरू असतानाचा त्याचा मृत्यू झाला. या घटनेची गांभीर्याने दखल घेऊन पोलिसांनी या प्रकरणातील तीन आरोपींना रविवारी सायंकाळपर्यंत ताब्यात घेतले. त्यांना अटक करण्याची प्रक्रिया रात्री उशीरापर्यंत सुरू होती.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)