उरुळी कांचन (पुणे) : नरेंद्र मोदी सरकारने कृषी विधेयक अंमलात आणून शेतकऱ्यांना दलालांपासून मुक्ती मिळवून दिली आहे. या कायद्यांमुळे शेतकऱ्यांना देशातील कोणत्याही भागात माल विक्री करता येणार आहे. शेतमालाला संरक्षण, कायदेशीर आधार व आधारभूत किंमत मिळणार आहे. शेतकऱ्यांच्या जिवावर अनेक वर्षे फुकट खाणाऱ्या लोकांची दुकाने बंद पडणार असल्याने विरोधकांचा तीळपापड झाल्याची टीका रयत क्रांती संघटनेचे नेते व माजी मंत्री सदाभाऊ खोत यांनी सोरतापवाडी (ता. हवेली) येथे केली.
- पुण्याच्या बातम्या वाचण्यासाठी येथे ► क्लिक करा
खोत म्हणाले, ""देशात ब्रिटिश काळापासूनचे कायदे अजून अस्तित्वात आहेत. हे कायदे शेतकऱ्यांना लुटणारे आहे. अत्यावश्यक वस्तूंच्या जाचक कायद्यात शेतमालाचा समावेश असल्यानेच, शेतकऱ्यांना चांगला बाजारभाव मिळत नाही. शेतमालाचा बाजारभाव ठरविण्याचा अधिकार शेतकऱ्यांऐवजी दलालांच्या हाती असल्याने, आजपर्यंत शेतकरी नागवला गेला. दलाल मंडळी शेतकऱ्यांच्या हातावर रुमाल ठेवून, दिवसाढवळ्या फसवणूक करीत होती. केंद्र सरकारच्या सुधारित कायद्याने देशात एकच बाजारपेठ उपलब्ध होणार आहे. या कायद्याने कडधान्ये, कांदा, डाळी, तेल हे अत्यावश्यक वस्तूंच्या यादीतून वगळल्याने शेतकऱ्यांना हाताला चांगला दाम मिळणार आहे.''
यावेळी माजी मंत्री बाळा भेगडे, भाजपचे जिल्हाध्यक्ष गणेश भेगडे, उपाध्यक्ष गणेश कुटे, प्रविण काळभोर, हवेली तालुकाध्यक्ष सुनिल कांचन, जिल्हा परिषदेचे माजी अध्यक्ष प्रदीप कंद, हवेली पंचायत समितीचे सदस्य श्याम गावडे, अजिंक्य कांचन, पूनम चौधरी, भानुदास शिंदे, एम. एस. चौधरी उपस्थित होते. कार्यक्रमाचे नियोजन सोरतापवाडीचे माजी सरपंच व भाजपचे जिल्हा सरचिटणीस सुदर्शन चौधरी यांनी केले.
काळजी घ्या, तुम्ही कोरोनावर मात करून लवकरच बरे व्हाल !
गुढ्या उभारून निर्णयाचे स्वागत
संसदेच्या अधिवेशनात तीन कृषी विधेयकांना मंजुरी देऊन, कायद्यात रुपांतर करण्याच्या केंद्र सरकारच्या निर्णयाचे स्वागत करण्यासाठी रयत क्रांती संघटना व शेतकरी संघटना यांच्या वतीने सोरतापवाडी (ता. हवेली) येथे कार्यक्रमाचे आयोजन केले होते. रयत क्रांती संघटनेने पंतप्रधान मोदी यांच्या प्रतिमेची बैलगाडीतून मिरवणूक काढून व शेतात गुढ्या उभारून निर्णयाचे स्वागत केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.