आळेफाटा, ता. १४ : पिंपळगाव जोगे धरणाच्या डाव्या कालव्यामध्ये वाढली झाडेझुडपे या विषयाचे वृत्त दैनिक ‘सकाळ’ने प्रसिद्ध केल्यानंतर कालव्यातील झाडेझुडपे काढण्याचे काम पाटबंधारे विभागाने सुरू केले.
जुन्नर तालुक्याच्या पूर्व भागातील कुकडी प्रकल्पातील असलेले पिंपळगाव जोगे धरणापासून सुरू झालेल्या ओतूर, गायमुखवाडी, खामुंडी, पिंपरी पेंढार, वडगाव आनंद, आळेगाव, राजुरी, गुंजाळवाडी, बेल्हा, रानमळा तसेच पारनेर तालुक्यातील सुमारे १२ गावांमधील असलेल्या शेतकऱ्यांच्या शेतीला या कालव्याचा फायदा झालेला आहे; परंतु या कालव्यामध्ये अनेक ठिकाणी झाडे वाढलेली असल्यामुळे पाणी सोडल्यानंतर पुढे न जाता एकाच जागेवर थांबून राहत आहे व चाऱ्याच्या बाजूला असलेल्या शेतात जात आहे. यामुळे शेतकऱ्यांचे मोठ्या प्रमाणात नुकसान होत असल्याने या कालव्यातील झाडेझुडपे काढावीत या संदर्भाचे सविस्तर वृत्त ‘सकाळ’ने प्रसिद्ध केले होते. या वृत्ताची दखल घेत पाटबंधारे विभागाच्या वतीने कालव्यातील झाडेझुडपे काढण्याचे काम सुरू केल्याने‌ शेतकऱ्यांनी ‘सकाळ’चे आभार मानले आहेत.

07331