खुटबाव येथे आठवणींना उजाळा

खुटबाव, ता. १ : खुटबाव (ता. दौंड) येथे ग्रामस्थांनी दिवंगत उपमुख्यमंत्री अजित पवार यांना श्रद्धांजली अर्पण करत त्यांच्या जुन्या आठवणींना उजाळा दिला.
यावेळी भाऊसाहेब ढमढेरे, मोहन थोरात, आर. डी. थोरात, सुदाम थोरात, अरुण थोरात, नवनाथ थोरात, योगेश थोरात, शरद शेलार, संजय थोरात, भुजंग थोरात, दत्ता शेलार, शिवाजी थोरात, महेश थोरात, सुभाष देशमुख, कोंडिबा थोरात, यांच्यासह गावातील अनेक ज्येष्ठ नागरिक, युवक व महिला उपस्थित होते. अजित पवार यांच्या निधनाच्या वृत्ताने दौंड तालुक्यातील खुटबाव गावावर शोककळा पसरली होती. त्यांच्या स्मृतीप्रित्यर्थ २८, २९ जानेवारी असे सलग दोन दिवस खुटबाव गावात कडकडीत बंद पाळण्यात आला. या कालावधीत गावातील सर्व दुकाने, व्यावसायिक आस्थापने तसेच दैनंदिन व्यवहार पूर्णतः बंद ठेवण्यात आले होते. गावकऱ्यांनी एकत्र येत अजित पवार यांच्या स्मृतींना आदरांजली अर्पण केली. ग्रामपंचायत कार्यालयासमोर आयोजित श्रद्धांजली कार्यक्रमात मान्यवरांनी त्यांच्या प्रतिमेस पुष्पहार अर्पण करून भावपूर्ण श्रद्धांजली वाहिली. यावेळी परिसरात शोकमय वातावरण असून नागरिकांनी मोठ्या प्रमाणावर उपस्थिती लावली होती.

03279