इंदापूर : ''''आपली सर्वात मोठी संपत्ती म्हणजे आपले शरीर आहे. त्यासाठी नियमित योगा करणे आवश्यक आहे. यामुळे शरीर तंदुरुस्त राहून आजारापासून दूर राहते. योगामुळे मनाला शांती लाभते,'''' असे प्रतिपादन प्राचार्य विकास फलफले यांनी केले.
इंदापूर येथील येथील नारायणदास रामदास हायस्कूल येथे ''सकाळ माध्यम समूहा''तर्फे आयोजित ''स्वास्थम'' या उपक्रमातर्गत शनिवारी (ता.११) रोजी सामूहिक सूर्यनमस्कार उपक्रम राबविण्यात आला. त्याचा ''सकाळ''च्या स्वास्थम उपक्रमाचे स्वागत करण्यात आले. यावेळी प्राचार्य फलफले बोलत होते.
यावेळी उपमुख्याध्यापक अशोक भोईटे, पर्यवेक्षक दादासाहेब जाविर, सुनंदा वाघमारे, जयसिंग शिंगाडे, क्रीडाशिक्षक चंद्रकांत काळे, रामभाऊ देवकर, यशवंत केवारे, राजेंद्र कदम, अण्णासाहेब खटके यांचेसह सर्व शिक्षक, शिक्षकेतर कर्मचारी, विद्यार्थी उपस्थित होते.

इंदापूर येथील येथील रयत शिक्षण संस्थेच्या कस्तुरबाई श्रीपती कदम विद्यालय येथे "सकाळ माध्यम समूहातर्फे" आयोजित स्वास्थम या उपक्रमातर्गत सामूहिक सूर्यनमस्कार तसेच शहरातील विद्या प्रतिष्ठानचे इंदापूर इंग्लिश मीडियम स्कूल येथेही सामूहिक सूर्यनमस्कार करीत स्वास्थम उपक्रमाचे स्वागत करण्यात आले.

02993, 02995