पुणे, ता. ४ ः हाताने रंगविलेले कपडे, विणकाम केलेल्या घरगुती सजावटीच्या वस्तू, मंडल पेंटिंग्ज, एम्ब्रॉयडरी, कॅनव्हास डिझाइन्स, दागिने आणि खाद्यपदार्थ आदींचा समावेश असलेल्या हस्तनिर्मित वस्तूंच्या प्रदर्शन आणि विक्रीला शनिवारी (ता. ६) प्रारंभ होत आहे. हे प्रदर्शन रविवार (ता. ७)पर्यंत खुले असेल.
पूना क्लब येथे दोन्ही दिवस सकाळी ११ ते रात्री ८ वाजेपर्यंत हे प्रदर्शन खुले असेल. ‘द हँडमेड कलेक्टिव’तर्फे प्रदर्शनाचे आयोजन केले आहे. सुमारे चार वर्षांपूर्वी स्थापन झालेली ‘द हँडमेड कलेक्टिव’ ही संस्था हस्तनिर्मिती करणाऱ्या उत्पादकांना एकत्र आणते आणि त्यांच्या निर्मितींचे प्रदर्शन ग्राहकांसाठी करते. त्यामुळे टिकाऊ आणि कौशल्यपूर्वक बनविलेली उत्पादने ग्राहकांना मिळतात. या प्रदर्शनाला जास्तीत जास्त पुणेकरांनी भेट द्यावी, असे आवाहन ‘द हँडमेड कलेक्टिव’च्या संस्थापिका, विनिता मुळ्ये आणि नालंदा जोगळेकर यांनी केले आहे.