पुणे : पुणे, पिंपरी-चिंचवड शहर आणि ग्रामीण मिळून पुणे जिल्ह्यातील एकूण कोराना रुग्णांची संख्या आजपर्यंत ६२००२ झाली आहे.
यामध्ये गुरुवारी दिवसभरातील २ हजार ३६२ रुग्णांचा समावेश आहे. बुधवारच्या तुलनेत रुग्णांच्या संख्येत ८५० ने घट झाली आहे. दरम्यान, आज अखेरपर्यंत १ हजार ५६२ जणांना आपले प्राण गमवावे लागले आहेत. यामध्ये आज दिवसभरातील ५८ जणांचा समावेश आहे.
बुधवारी (ता.२२) रात्री नऊ वाजल्यापासून गुरुवारी (ता.२३) रात्री नऊ वाजेपर्यंतच्या २४ तासांत नोंदल्या गेलेल्या एकूण रुग्णांमध्ये पुणे शहरातील १ हजार ६६१, पिंपरी-चिंचवडमधील ३९९, जिल्हा परिषद कार्यक्षेत्रातील २१४ आणि नगरपालिका आणि कॅंटोन्मेंट बोर्डातील मिळून ९४ नव्या रुग्णांचा समावेश आहे.
यामुळे गुरुवार अखेरपर्यंत पुणे जिल्ह्यातील एकूण रुग्णांची संख्या आता ६२ हजार ०२ झाली आहे. कालपर्यंत ही संख्या ५९ हजार ६३४ इतकी होती. गुरुवारी दिवसभरात मृत्यू पावलेल्या रुग्णांमध्ये पुणे शहरातील ३६, पिंपरी चिंचवडमधील १६ आणि ग्रामीण भागातील दोन, नगरपालिका आणि कॅंटोन्मेंट बोर्डातील मिळून चार जणांचा समावेश आहे.
शहरात वाढ, पिंपरी, ग्रामीणमध्ये घट
दरम्यान, आज दिवसभरात नोंदल्या गेलेल्या नव्या रुग्णांच्या आकडेवारीनुसार पुणे शहरात गुरुवारी ३६ ने वाढ झाली आहे. याउलट पुणे ग्रामीण, पिंपरी चिंचवड, नगरपालिका आणि कॅंटोन्मेंट बोर्डातील रुग्णांच्या संख्येत घट झाली आहे. तसेच पिंपरी-चिंचवडमधील रुग्णांच्या संख्येत तब्बल ७९० ने घट झाली आहे.
- पुण्याच्या बातम्या वाचण्यासाठी येथे क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.