पिरंगुट (पुणे) : मुळशी तालुक्यातील कोरोनाबाधित रुग्णांच्या संख्येने सोमवारी (ता.२९) पन्नाशीच्या उंबरठ्यावर पाऊल ठेवले. तालुक्यात कोरोनग्रस्तांची संख्या कमी होण्याची चिन्हे नाहीत. सोमवारी तालुक्यात दोन जण कोरोनाग्रस्त रुग्ण सापडल्याने एकूण रुग्णांची संख्या ४८ झाली आहे. कासार आंबोली (ता.मुळशी) येथील एकास तसेच नांदे येथील एका व्यक्तीला कोरोनची बाधा झाल्याचे निष्पन्न झाले आहे.
आज अखेर मुळशी तालुक्यात कोरोनाग्रस्तांची संख्या अठ्ठेचाळीस झाली असली तरी आणखी रुग्ण असण्याची शक्यता नाकारता येत नाही. कारण रुग्णाची माहिती तालुका स्तरावर समजेपर्यंत दोन दिवस उलटलेले असतात. कासार आंबोलीतील रुग्णांची संख्या आता तीन झाली आहे. यापूर्वी २३ जूनला सुतारवाडीत दोन रुग्ण सापडले आहेत. तालुक्यात कोरोनाची बाधा होण्याचे प्रमाण वाढतच चालले असल्याने नागरिकांनी स्वतःहून प्रतिबंधात्मक उपाययोजना करणे अतिशय गरजेचे झाले आहे.
नांदे येथे आढळून आलेले रुग्ण हे माजी सरपंच असून ते गावातच राहत आहेत. गावातील अनेक कुटुंबे पिण्याचे पाणी आणायला रोज चांदे येथे जातात. त्यामुळे चांदे येथील पाणीपुरवठा तात्पुरता बंद करावा लागणार आहे.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.