पुणे : लाॅकडाऊनमुळे सर्वच जण घरात अडकून पडलेले असतात देश विदेशातील नृत्यकलाकार स्वातंत्र्यवीर सावरकर यांच्या जयंतीनिमित्ताने व्हर्चुअली एकत्र येत आहेत. फेसबुक व इंस्टाग्राम लाईव्हद्वारे 'जयोस्तुते' या गीतावर भारत, अमेरिका, इंग्लंड, सिंगापूर, न्युझीलंड आणि कॅनडातील ३६० कलाकार शास्त्रीय नृत्याद्वारे अभिवादन करणार आहेत. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

स्वातंत्र्यवीर सावरकर यांची २८ मे रोजी १३७वी जयंती आहे. यानिमित्ताने सारंग कुलकर्णी यांनी मांडलेल्या संकल्पनेतून 'कलासक्त' या शास्त्रीय नृत्यसंवर्धनास समर्पित असलेल्या संस्थेने या उपक्रमाचे आयोजन केले आहे.

पुण्यातल्या `त्या` भीती वाटणाऱ्या जागा अन् कीर्ररररर....शांतता!

झूमद्वारे झालेल्या पत्रकार परिषदेत सारंग कुलकर्णी म्हणाले, "स्वातंत्र्यवीर सावरकरांच्या जीवनातील २७ वर्षें लाॅकडाऊन मध्येच गेले आहेत. या काळात सावरकरांनी अत्यंत प्रतिकुल परिस्थितीत प्रत्येक क्षण हा राष्ट्रकारणी लावला आहे. आंदमानात त्यांनी प्रचंड साहित्यनिर्मिती केली.ते कायमच कलाकारांसाठी कायम प्रेरणास्थानी राहिले आहेत. तेंव्हा सध्याच्या या आपल्या लाॅकडाऊन मध्ये समाजाला आत्मविश्वास व सकारात्मक दृष्टीकोन मिळावा यासाठी उपक्रमाचे आयोजन केले आहे. 

अरे बापरे ! मार्केट यार्डात पुणेकरांची झुंबड; सोशल डिस्टन्सिंगचा फज्जा    

कलासक्त संस्थेच्या विश्वस्त रसिका गुमास्ते म्हणाल्या, "भारतातील जवळपास सर्व राज्य व पाच देशातील कलाकार सहभागी होत आहेत. पुण्यातील सुमारे १७५ जणांचा सहभाग आहे.कथ्थक, भरतनाट्यम, उडाली, कुचिपुडी यासह सहा नृत्यप्रकारात जयोस्तुते या हिंदी भाषेतील गाण्यावर सादरीकरण केले जाईल. विशेष म्हणजे यात अरुणाचल प्रदेशातील आदिवासी मुले पारंपरिक नृत्य यावेळी सादर करतील."

बारामती तालुक्‍यात कोरोनाची मुंबई मार्गे पुन्हा एन्ट्री...  

"सकाळी साडे नऊ ते रात्री ८ पर्यंत विविध भागातील कलाकार कलासक्तच्या फेसबुक व इंस्टाग्रामवरील पेज वर सादरीकरण करताना पहाता येणार आहे," असे स्मीता सोमन यांनी सांगितले.