वेल्हे (पुणे) - वेल्हे तालुक्यातील दापोडे येथील हॉटेल चालक गोळीबार प्रकरणातील दोन आरोपींना सापळा रचून जेरबंद करण्यात आल्याची माहिती स्थानिक गुन्हे अन्वेषण पुणे ग्रामीण पोलीसांनी दिली.
- पुण्याच्या बातम्या वाचण्यासाठी येथे ► क्लिक करा
पोलीसांनी दिलेल्या माहीती नुसार वेल्हे तालुक्यातील दापोडे येथे दि. १ नोव्हेंबर रोजी सकाळी ८.३० वाजता हॅाटेलचालक विलास नथु बोरगे यांच्यावर अज्ञात तीन इसमांनी गोळीबार केला होता त्यात बोरगे गंभीर जखमी झाले आहेत. गोळीबार केल्यानंतर आरोपींनी करंजावणे मार्गे कुसगाव खिंडीतुन पलायन केले होते. वेल्हे पोलीस व पुणे ग्रामीण पोलीस, स्थानिक गुन्हे अन्वेषण विभागाचे पोलीस आरोपींच्या मागावर होते.
आज दि. ४ नोव्हेंबर रोजी पोलीसांनी यातील दोन आरोपींना आज जेरबंद केले आहे. आरोपींनी गोळीबार करताना वापरलेली MH-12-QV7104 गाडीमालक दत्तात्रय बाळासाहेब पवार यांचा मुलगा सुजित दत्तात्रय पवार हा वापरत होता. सुजीतकडे चौकशी केली असता ही गाडी तिघांनी नेली असल्याची माहीती मिळताच त्यातील दोघे जण भोर तालुक्यातील कुसगाव येथे गेले असल्याची माहीती पोलीसांना खबऱ्याकडून मिळाली त्यानुसार पुणे ग्रामीणचे पोलीस अधिक्षक डॅा. अभिनव देशमुख, अप्पर पोलीस अधिक्षक विवेक पाटील उपविभागीय पोलीस अधिकारी सई भोरे पाटील, स्थानिक गुन्हे अन्वेषणचे पोलीस निरीक्षक पद्याकर घनवट यांच्या मार्गदर्शनाखाली पोलीस उपनिरीक्षक रामेश्वर धोंडगे, अमोल गोरे, सहाय्यक पोलीस निरीक्षक दिलीप जाधवर, चंद्रकांत झेंडे सचिन गायकवाड, प्रमोद नवले, पोलीस कॉन्स्टेबल अमोल शेडगे, मंगेश भगत अक्षय नवले, प्रसन्न घाडगे, आदींनी कारवाई केली.
पोलीसांनी १) संदीप उर्फ सॅंडी सिद्धेश्वर धुमाळ (वय २०) रा.खोली नं 511 साई अपार्टमेंट, हनुमान नगर, जांभुळवाडी रोड, आंबेगाव खुर्द, पुणे - २) रुपेश उर्फ भैय्या श्रावण पालखे (वय २०) राहणार लेन नं ६, टेल्को कॅालनी, दत्तनगर, पोलीस चौकीशेजारी, जांभुळवाडी रोड, पुणे. यांना अटक केली आहे. आरोपींनी त्यांच्या जवळ असलेल्या गावठी पिस्टल मधून 3 राऊंड फायर करून हॉटेल चालकास गंभीर जखमी केले होते. त्यांच्याकडे केलेल्या प्राथमिक तपासणीत त्यांनी गुन्हा केल्याचे निष्पन्न झाले असून अधिक तपासणीसाठी आरोपींना वेल्हे पोलिसांच्या ताब्यात दिले आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.